Popular Bible Verses from ROM 14

Share

Pima Arnam a-Rat ke kecho kejun alam kali, bonta lake Karjong Kangthir pen ajok dhoromipet pen kedo, ning kangsam lapen ning arong helo. Lapen Khristo aphan lapuson keklempi abang ke Arnam aning padok, lapen monit aphanta aning padok.

Ilitum jongsi reng-lo tangte, ilitum Hemphu anong aphansi reng-lo, lapen ilitum jongsi thilo tangte, ilitum Hemphu anong aphansi thilo. Tangte ilitum thi tame, kalite reng settame, ilitumke Hemphu amonit atumlo.

Tangte, ilitum angbong ning akechingsam kevanji lapen lahin lahin akekroi kechepathirjile ilitum kaiketa bor-ilonang.

Tangte lahelo, non pen apara ilitum lahin lahin aphan chingsai nangnelo. Labangso alar nanglitum akorte atovar along kepatekung-i athengtut, kalite kekhang-i amar kaiketa bibelo pule nangning mathathipnon.

Pima hastro pulo, “Hemphu pulo, neke reng-et binong-lo, asonthotsi abangphutinta ne ingno akengphu patongji. Lapen ne helo Arnamlo pu abangphutinta chekobirji.” Lasi ilitum abangphutinta Arnam angno emethang methang akam alakha chepinangji.

Kekroi ajakong kave abang aphan dengnon, bonta alangli akematha alam hei hei pen apot ke alangli pen lam chehiliri.

Bang aban aphan kangsaiji abang, nangli komatma? Alangli arjap setta, kalite krep setta, alangli amethang a-Hemphu angnosi krepji mate arjapji. Lapen alangli arjapji, pima Hemphu alangliphan keparjapji ajakong do.