Popular Bible Verses from ROM 12

Share

Nanglitum labangso apirthe amonit atum ason ke cheplangdunri; bonta nanglitum aning kechepami pen nanglitum chekirlanon. Anke Arnam aning kehang ason, atheke, kopisi akeme ma. Arnam aning kedok kopima, lapen kopisi akechok pamema, la nanglitum chini unpo.

Tangte lahelo, kortemarli atum, Arnam ilitum aphan ekangjinso apot neli nanglitum aphan choningrilo: kereng-et a-Arnam akam aphan kepanongtang lapen Arnam aningkedok athok asonthak thak-le nanglitum Arnam aphan chehodainon. Nanglitum ahokpet kangduk akardom ke lahelo.

Ningkethe kedo apot-le chehoknon, keduk-kesung ahut ning chepadingnon, lapen kaike ahutta Arnam ardomnon.

Kehingno nangliphan nangparem longri, bonta keme klemra kehingno aphan haivernon.

Khristo pen kechelangpet pen ajok nanglitum akorte hijan angbong kechinghon asonthot-le lahin lahin chinghon seroinon. Nangmethang aphan apar lahin lahin aphan aman pimunon.

Kanghon ke ning aklong pen nangji. Kehingno hijimra keme otthipnon.

Nanglitum methang ke, unte kadokave atum pen ning kang-sam pen kedojile kadokave asonta klem non.

Neli kechinghon atum, nanglitum alar chehuiri, bonta Arnam aning kethi aphan dim peknon. Pima hastro along tok-lo, “Hemphu pulo, alar kehui ke nekam, nesi alar huiji.”

Selet-ledet-ra klem chepa-duknon. Hemphu aban asonthak thak-le ning aklong pen Hemphu akam klempinon.

Lapen Arnam neliphan nekepi akangjinso adan pen apot neli nangli-tum abangphutin aphan nang pulang: nanglitum methang a-ot pen apar ke nanglitum the-o pu chemathari, bonta Arnam nanglitum aphan kepi akekroi atengle nanglitum methang chemathanon.

Komane abang nanglitum aphan kehingno klem setta nanglitum alangliphan kehingno pen alar huiri. kadokave angno akeme alingle klemnon.

Nanglitum ning isipet penle donon. Thedung thedung akam riredet-ra bihek akam hei hei keklemjile ninghangnon. Nanglitum ane chepathiri. Nanglitum methang giani pu chemathari.

Bonta hastro kepu asonthak thak-le, “Nangli hotur an kangchir ahut, nangli alangliphan an pinon; alangli lang kang-it ahut alangliphan lang pinon. Pima nangli lapuson keklem pen ajok nangli alangli phuthak me akri batpo.”

Nanglitum aphan kechenek atum aphan Arnam ahirjume hangpinon; ahok-lo, halatum aphan ahirjuno kepiji aphan kali, bonta ahirjume kepiji aphanle Arnam angno choningrinon. Ning arong atum along ning chepa-rongdun non, kechiru atum along chirudunnon.

Kedo an amar pen kangthir atum akedorde ason rapdunnon, lapen nanglitum ahem alohi chaknon.

Ilitum abangphutin abang arpum aro-arim do-o, lapen la aro-arim tinta akam prekjam. Lason thak-thaksi ilitum abangphu ke do-o setta Khristo pen kechelangpet pen ajok ilitum abang arpum ke isipet-lo, lapen isi abang arpum along hala aro arim hei hei kecherap-het asonthak-thaksi ilitumta lahin lahin cherap-het-lo.