Popular Bible Verses from MATHIU 28

Share

Lahelo nangtum damra pirthe adang akhei kedo-an aphan sangho paplangra Po lapen Sopo lapen Karjong Kangthir amen pen halatum aphan baptisom pinon, lapen Ne nangtum aphan nangkethan alam kedo-an kepakroijile halatum aphan than petnon; lapen chininon, Ne nangtum along labangso apirthe kejut anta nangdo dunverji.”

Ansi Jisu latum adung vangsi latum aphan pulo, “Sining athak lapen Pirthe athak kadokave ajakong nephan nepitang-lo.

Hala pherangke arlosomar atum aphan pulo, “Nangtum thangta phereri. Pima ne chinilo, hala thengparpan athak kepathitang a-Jisu aphansi nangtum rilo. Alangli ladak avelo. Keputang asonthotsi alangli thurtang-lo. Ladak vang-ra alangliphan kepa-i adim nanglangtha.

Ansi Jisu latum aphan pulo, “Phereri, damra ne korte atum aphan ha Galili dam nangji pura than damnon, lapen hadak latum nephan thek longpo.”

Ansi kurusar akethe atum lapen akesar atum do-an chingrumsi bidi rilo, lapen rup atangka ake-ongpi ensi chedanbang atum aphan pisi pulo, “Asangho atum ajo amat vangsi netum amek kejang aphi la inghu pondet-lo pule rat atum aphan thannon. Labangso alam jongsi govornor arjulong-lote netum alangliphan pakroi thekpo, lapen nangtum akesung pen jokpo.” Ansi latum rup atangka dengsi latum kethan ateng klemlo, lapen labangso alam pini arni anta Jihudi atum angbong pachethanglang.