Popular Bible Verses from 1 Ioanes 4

Share

Teip ga magaulap la nameng migat aime Morowa, tale kan puomeng meba meraung aime. Karuk. Teip ga magaulap gat la nameng maime papap ga loup maiam, tale puomeng meba meraung aime Morowa. Memani, muana o nuraiap la are ro: Teip ga magaulap la mime merau aime Morowa la eba apulang uniap ula kiro me tavukup mila kiram la makosarmeng. Eva, teip ga magaulap la merau aime Morowa, tale memaning tavuk o na na ninimiap maiong.

Lop tuam mila kapim, Morowa kan la uale bo ninimiap ming are ratmat ga maduming ara teip ga magaulap la mime bais o ties o kakarabunim ma muranap mila kiram. Muana, iruo Muranama ang Morowa la unama ga mimi la akurupin muranama la ut ira ma teip ga magaulap la ameuluan tavuk ila kire onim na kimanam.

Bume nabuong maime papap ga loup buam, muana Morowa la lake naong me bulam.

Tie, migap tuam, nabuong migat me papap ga loup buam, muana tavuk o na me papap ga loup buam irie tavuk ang Morowa. Teip ga magaulap la nameng maime papap ga loup maiam, mirie lop am Morowa ga ameit migat Morowa.

Leba migana ba la tale naong maime papap ga loup am, tale ait Morowa. Memani, Morowa kan irie la muana a tavuk o na ga ume naong me bulam migat.

Na iriro tavuk, ogimabuong na migat are mani: Tale kan lake nabuong aime Morowa. Karuk. Morowa la lake naong me bulam ga asagaong Poi ang me na uro kimanam ga uvara ga aduratong tavuk buang ila kire.

Migap tuam, Morowa la naong me bulam ga businguala o na ang la are tiro, bubuo gat le nabuong maime papap ga loup buam.

Morowa la amaning it namurit Poi, pa asagaong iruo Poi ang me na urio kimanam, meba obula ninimiap iro ubi la okosarong me bulam. Are ratmat ga abit Morowa la naong me bulam migat.

Leba noba migana la ugama, “Narung migat aime Morowa”, pa irie la tale naong maset me papap ga loup am, eva iruo migana la buat kakarabi. Karuk a migana ba la agimaong Morowa. Tie, migana ba la tale naong maime papap am la magimaong it ma irap a, tale puoong meba naang aime Morowa la tale kan puoong meba agimaang ma irap a.

Leba noba migana la ugama, “Iesu irie Poi ang Morowa”, tie Morowa la unama ga irie ga irie la unama ga Morowa.

Are ratmat ga obula urio maimai aun Karisito la are ro: Migana la ume naong migat aime Morowa, irie gat le naang migat maime papap ga loup am.

Tie, migap tuam, papaluaip ma unulip o kakarabunim la man menum tapmat na uro kimanam. Are ratmat ga buat naganming ira ma misik teip ga magaulap ganam la megama, “Muranama ang Morowa la uale bo ninimiap tung ga baistung o ties la ualo toun.” Karuk. Mimeram tiesiap ganam teip ga magaulap la maiaramam meba mamira mirio tiesiap la mamaio aun Morowa o karuk. Puoming meba amira Muranama ang Morowa la ualo ties maun teip ga magaulap gare ro, Teip ga magaulap ganam la megama, “Iesu Karisito la muo na uro kimanam ga uaviam neip gare migana.” Miruo la ame Muranama ang Morowa la uale mabuo ga ualo ties maun.

Pa leba tale tiesmeng teip o magaulap gare tiruo me Iesu la muo na urio kimanam ga betong gare migana, tiruo miruo teip la memaning non kan muranama, tale ang Morowa. Iriro la muranama ang karonama ang Karisito. Tinan la mipto ties a leba muong ga titot la muo ra na uro kimanam ga uale bo teip ga magaulap.