Nemɨ sara mwaidaa yɨlaaya yadaa tewaanaanga yɨnɨke' dɨragɨnna lɨmwadaa yemwaaimanɨgo. Yɨ, Gotɨya Naangei nemɨre nevadaihasamaa'dei Kɨraazɨtɨyai Jizaazarɨna yemwaidaa “Sahwai Sɨgunyavɨya byaanna dɨragɨnyasɨ ku'maayabanna yɨma'naabathelyɨ,” yawɨ'daa yemwaaiholyɨra. Sahwai nemɨnyɨ gamɨre gaalyabwi yagalya'mavakelyɨ. Nemɨnyɨna “Ayahi mubya yamaarya'neinyɨ kɨwɨnya dɨnɨka galazekɨvala yuya sangɨna wɨvadaihasamaarɨma! Aalya ya'mujɨ gɨrɨka duimwagasɨ'na'mujɨ nɨmɨnyɨne'na nɨmɨre tewaanyara wɨmwaaihɨwɨjara nɨmɨre yunera mwaaibɨka!” daka gamɨre gaalyabwi yagalya'ma'na. Sare' wawɨnya dɨragɨnna yadɨvɨ' yuya tewaanyabwina yɨpɨka!