Popular Bible Verses from Wɨjalangasakyaꞌ 10

Share

Aawa. Dɨvi ejelɨya ata purɨdaa'nyɨ pwaraalyai pihulɨya' kamakurojɨ, yɨ gamɨre jake' kinnojɨ yɨ dazagaa' sagaa' Gotɨyare yoimavajalɨkurakya sa' menanyɨ. Yɨ sa' Gotɨyai wana nebulya'na yadesɨ. Yɨ gamɨre yaasɨwa'wawɨnyara, gamɨnyɨ wɨ'nawɨjɨwaakadɨvɨta saraavɨ nayaa sara wɨdakabaaibɨ' sara yɨma'naabakesɨ!”

Yɨ nɨmɨnyɨ wɨja' dara dɨnɨ' “Gɨmɨ Gotɨyare yagaalya' (yɨkwia' nɨwaanya') yɨma'nadenna nayaa ayahi duzɨwaakɨ! Yɨ kɨlaaka dala nabinabinya kwalaalyara, ajɨmya yuyangɨya kwalaalyara, yagaala ge gejɨya kwalaalyara, kingɨya kwalaalyarajɨ saraavɨna duzɨwaakɨ! Sara ja!”

Ejelɨya pwai dɨragɨnaangei Sɨgunyabadaa'nyɨ waidavadaa'nyɨ nɨmɨ tɨnna wanganna. Sai gannya kɨlaakejɨkɨ yɨraayasɨ bwaakɨnɨkei, yɨ gamɨre mɨnyagɨnyavɨ byaawɨlya' wɨdaa'dɨ'nyɨyai, yɨ gamɨre sɨnnyɨ' nyɨlyaibɨ' yɨdadaa'nyɨ, yɨ gamɨre sɨvɨlyaraai dɨhɨbya'bɨ' dɨtaalɨta saamɨnyawa' yɨdadaasɨya'bɨsaraai.

Sara wɨdɨna kanyɨwa' nɨmɨ ejelɨyaryawɨnna kaanna wɨna yena, yɨ sarɨ nɨmɨ wɨdɨna “Bukuya maalɨka dazi dɨnyɨjaama!” wɨdɨna kye, yɨ, sai nɨmɨnyɨ wɨdɨna “Di maara'gɨzɨ tɨka dɨnɨgu'na! Yɨ sa' gɨmɨre munyɨkɨ yɨrɨka gima'nadesɨ. Kɨrɨ' nabaai gɨmɨre maangikɨ kaamyoikwarakebɨ' waburya gyathesɨ.” Sai mena kanyɨdɨwa' yɨ nɨmɨ ejelɨyare asɨrɨ bukuya maalɨka dazi maarɨna yena yɨ nɨmɨ tɨka nyɨna. Yɨ nɨmɨre maangevɨ yɨ sa' kaamyoikwarakebɨ' waburya yɨna. Kɨrɨ' nɨmɨ mena kanɨwa yɨ sa' nɨmɨre munyɨkɨ yɨrɨka nyɨwa'.