Popular Bible Verses from Epazaazɨ 5

Share

Gotɨyare kaimɨraayaigɨnyɨ yɨlaaya gɨvu'nadeigɨ mwaaihɨnyabaaibɨ' gamɨre mwaalyabwi ja! Gotɨyarɨ dɨmɨdɨna! Kɨraazɨtɨyarɨ nemɨnyɨneba kale wiakei nemɨnyɨna balakabaaibɨ' kale gyada dɨmwaaideigɨnyɨra. Juyaraavɨre Ne sɨnnawɨnyara sipɨzipɨyarɨ yanga wɨjaaya'ne' dɨka nasɨ'nadaasɨ Gotɨyai wabatɨrɨnya' winada yɨlaaya yakabaaibɨ' Kɨraazɨtɨyai tewaanyabwina yuna balake'na yɨlaaya yakelyɨ.

Sarevɨdaa'nyɨ gɨnnya mwaalyabwi nayaa jawɨka! Sɨmumaayaigɨ mamwaaidɨnna! Aawa. Sɨmunnakeigɨ dɨmwaala! Yɨrɨka kayaa'nanyagasa warɨke'na “Dahaa' tewaanna yɨjɨhyɨwana?” da'gɨzɨ nayaa sara ja! Yɨrɨka sa yaasɨwa'na nabothɨka!

Aalya waainɨya biyaaya'bɨta naanga manɨnna! Sare' yɨmaka nuyɨdɨka! Sarebwi ya'gɨzɨ kayaaka jɨhainade'nanyɨ. Saza manɨnna! Aawa. Kuryai gɨmɨre sɨmunyavɨ yuneba wɨlagɨmwaalana! (Sai sɨmunya' nayaa yuna gɨmaremwaalana!) Sareigɨ ja'mwerɨ Gotɨyare yagaaidaata, Gotɨyarɨna yɨledaata daata wɨja'nejɨ duthana! Gɨnnya sɨmunyavɨ Gotɨyarɨ yɨlaaya naanga yadɨ Naangerɨ daata, yɨledaata duthana! Yuyagaa' yuyanna Gotɨyarɨ Nenɨmaangerɨ “Su! Su!” duthana! Nemɨre Naanga Jizaazai Kɨraazɨtɨyarɨna yawɨra'gɨzɨ sara duthana!

Sarevɨ sɨdu'maayaigɨ mamwaaidɨnna! Aawa. Naangei gɨmɨnyɨna “Sai sare' yana!” kyawɨrojɨ sare' ja!

Kwalaangeigɨ, Kɨraazɨtɨyare kusɨlaanyainaavɨneba kale wiada gannya tawe' nemubya'nei wɨjaaya'nei balakabaaibɨ' gɨnnya balaangevɨna kale gyana!

Sare' dare'nesɨ. Kɨgaa' sahwaigɨ jɨhɨnyasɨyaigɨ kayaa'na mwaalagɨnya kɨrɨ' dahaa' Naangere baakesɨyaigɨ tewaanna mwaaihɨ. Sareigɨ baakesɨyara yɨgatabaaibɨ' kuna nayaa dɨmwaala!

Yuna wɨlagɨmwaalanneigɨ Kɨraazɨtɨyarɨna yawɨ'na “Naangelyɨ. Kave yawɨrɨma!” yawɨ'na yɨvanɨgɨnya'na ja'mweraavɨ kwaakewɨ dula'naka! “Dara yawɨ'mwa. Nɨmɨ maalɨkeinyɨ. Nya'mweraavɨ kadɨka wɨ'nɨma!” Sara dɨnneigɨnyɨ.

Balaange'gɨ, nemɨ Naangerɨ mɨdɨnna yɨvanɨgovaaibɨ' gɨnnya kwalaangerɨ kwaakewɨ dula'naka!

Sara dɨnɨke' kɨrɨ' gɨmɨnyɨna dɨnɨkesɨ. Kwalaanga gazaigɨzaigɨnyɨna kale gyadevaaibɨ' gɨnnya balaangevɨna kale gyana! Balaanga gaza'gɨza'gɨ gɨnnya kwalaangerɨna yawɨ'na “Sai nɨmɨnyɨna a'mwe naangelyɨ,” yawɨ'na jɨthe'gɨnyɨ.

Sare'na dara dɨnɨke' “Sarevɨ a'mwei gamɨre ganɨmaangelyɨ ganaangesɨ sayorɨ yagalya'mavojɨ gannya balaangesɨ ye'mwannemwaaladelyɨ. Sara kyojɨ sawaai kɨlaaka pɨjɨ'nanyayoi yɨma'nyɨkadeyolyɨ.”

Jɨhɨnyasɨya, yaasɨwa'nanya yadɨvɨsa sara mye'mwannayɨnna! Aawa. Baakebwi nayaa ya'gɨzɨ kumɨre kayaa'nanyabwi jɨvwarɨdaakwia!