Popular Bible Verses from 1 Jonɨ 2

Share

Kwaakevakɨya sabwina mihɨvu'nannera! Nabaai Kwaakevakɨya sanna mihɨvu'nannera! A'mwe pwai kwai Kwaakevakɨya sabwina wɨvu'najai gannya sɨmunyavɨ Nɨmwarɨna nayaa wɨvu'nya'ne' mularikelyɨ. Kwaakevakɨya yuyanna, kɨlaakevɨne dɨka widadevulyɨ a'mwera tɨnna wangadɨvɨsanna “Maa'mujainyɨ,” yawɨ'dɨvɨsasɨ kunnya yaya munyaba makinadɨvɨtara “Gɨlyɨvɨsanna nɨmeinyɨra,” yawɨ'dɨvɨsasɨ yuya sazanna Gotɨyaryabadaa'nya mɨ'. Aawa. Kwaakevakɨya saburɨdaa'nyangɨra.

Kwaakevakɨya sabwi mena yɨmaanyɨna yɨvanɨkebulyɨ. Dɨka widade sabulyɨ mena yɨmaanyɨna yɨvanɨkebulyɨ. Kɨrɨ' Gotɨyare sɨmunyabwi mɨdɨnajai yuyagaa' yuyagaa' mwaalagothelyɨ.

Aawa. A'mwe gazaizai gamɨre yagaalya' mɨdɨdere sɨmunyavɨ yunebanna Gotɨyare yɨlaaya wia'nebwi wɨlawa'devulyɨ. A'mwe pwai dɨna “Nɨmɨ Kɨraazɨtɨyarɨ wɨlamwaaihe.” Dɨna yadei nabaai sahwai mwaalakabaaibɨ' sara mwaalana! Sara yade darevɨ nebulya'na nayaa dara yawɨ'daanyɨ “Kɨraazɨtɨyarɨ wɨlamwaalɨ'.”

Nɨmɨre kaimɨraaya maalɨkeihi, yagaala daza' pɨkarya yɨhithawasɨvanaabɨhe. Sarɨmɨ kayaa'nanya mipɨne'na “Wɨjɨwaakɨma!” dena yɨhithawasɨvanaabɨhe. Sare' kɨrɨ' a'mwe pwai kwai kayaa'nanya' yaja' nemɨnyɨne kayaa'nanyanna Nɨmwarɨ marewɨdadei mwaalɨ'. Sahwai Jizaazai Kɨraazɨtɨyai yɨda'maraangelyɨ.

Nabaai pwai dɨna “Nɨmɨ Kɨraazɨtɨyarɨ nayaa yawɨ'dɨnyainyɨ.” Dɨna yaja' kɨrɨ' Kɨraazɨtɨyare kɨwɨnyanna mamɨdɨnya dazai Kɨraazɨtɨyarɨna kwaasɨ yagaala dadelyɨ. Gotɨyare nebulya' gamɨre sɨmunyavɨ wɨlawa'de' mɨ'.

Naangere kɨwɨnyanna mɨdɨnaaja da'na nebulya'na nayaa dara yawɨ'daanyɨ “Kɨraazɨtɨyarɨ nayaa yawɨ'manɨgo. Sahwareinera.”

Pwai “Nɨmɨ baakevɨ mwaaiheinyɨ,” dɨna yada kɨrɨ' gannya gya'mwerɨna sɨnna tɨka wɨda'daa'nyɨ yɨ a'mwe dazai jɨhɨnyavɨ kuna mwaalɨkegaa'nanyɨ.

A'mwe kwaasɨ yagaala dadei aaihwalaka? A'mwe dazai yɨ, dara dadelyɨ “Jizaazarɨ Gotɨyai dahɨlakaka maryasaabakei mɨka! Kɨraazɨtɨyai mɨka!” Yɨ dazai kwaasɨ yagaala dadelyɨ. Sara dade'na Kɨraazɨtɨyarɨne yɨkamaangelyɨ. Sara dadei Nɨmwarɨnajɨ Gawaalɨkɨnajɨ “Aala!” yawɨ'delyɨ.

Gazaizai Gawaalɨkɨna “Aala!” yawɨrajai Nɨmwai kwarɨnajɨ “Aala!” yawɨ'delyɨ. Nɨmwalyɨyai mɨka! Pwai a'mweraayaba Gawaalɨkɨna “Gotɨyai dahɨlakaka maryasaabakelyɨ. Kɨraazɨtɨyalyɨra,” dazai Nɨmwalyɨ Gawaalɨsɨ saraalyɨyalyɨra.