Popular Bible Verses from Loma 6

Share

Ee, lihime monovoli'mo nene meni've meni hizaa' neine' nene mudise helaa' monovo ne neiha Guvetesi ve Izesu' Kilisitoda vo gi'mizekunivo O'moso'mo haza gidini lehize-ledaa' neine' inite' nene minevo' minevo' minaa' lemeni dameni ne neive.

Ee, lingine nene Mose' lou' gamazi'mi gesi mingu' nene minami O'moso'mi nasahilili'mi gesi mingu' imi nizani' nenako nemu' lengi' nene lihime monovoli'mo eita do gelekele' o-lengedelido' minamave.

Ne'mino neine' nenako nemu' nene laza noso huluningu' nene ezesi maka' helosa ezesi maka' gonoso galesela vo minune' gele neive. Ido' noso huluningu' ne'mine ine' nene Kilisito'ni nene meleho O'moso'mo amuzo've atoli'mine ogo minine' nene do soto' ogo hilinguti' do ote-davo neine' ne'mino lazasi nene a'mine'mine ogo ezesi maka' otosa minevo' alevote nene gosoho' lolo' ogavo igi mili minilizave losa ne'mine ine' ve.

Lingine okodidoti' gizedine adine ne'mine nehe nanitetine nolihe inite' hamokisi nene goloso nite' dalive li lihime monovoli'mi gono daa' inite' ne'mine nene lolo' i-damilo. Asi hiluninguti' nene otosa gosoho' lemeni damenilo' minevo' alevo' ogo none' nenako nemu' nene laza okodelati' gizede ade nevo'mine nehe ido' nanitete nolihe neve nene O'moso'mine emekunivo ei' gono daa' ine' inite've ne'mine lolo' ogavo monovo lisihe' laminekovo' ilive lii okodine muki' nene O'moso imilo.

Laza ti' lo gele none: Lihime monovo goloso ne'mo okodela gono daa' ine' nene osu' lavo laza lihime monovolo' gohi gelekele' ogo minamoloningumu' nene lemeni dameni litehe nene Kilisito'nisi lohoto' zalo' bili nizani' ma neive.

Ido' lingine lengikumu' nesi nene ti' li gili minilo: Laza nene mo hilune' gilivo mino lihime nene gohi ma damolone. Ido' minevo' alevo' ogo minelone' nene mo Izesu' Kilisitoda gi'mizo mino O'moso'mine nene minevo' alevo' o do minelesune.

Ido' lihime daa' monovo naba o'mo vo minida nene a'mine naba o'mo vine' votigile nene ivile' goloso ivosa O'moso'mi nasahili' nene atoli'mine ogo soto' ogo minine' nenako nemu' nene laza nadive lolone. O'moso'mo nasahili' gohi vauve elo o-ledeline' aka nene do soto' oloseize. Lihime nene daakovo' ogo minuke'zo lolobe. Mo keke' ne'mine ma lamolosune. Laza nene hilunive gelo mino hilave nete inite' hamokumukisi upuho' isa'mani' ne'mino upuho' ogo lihime gohi damolonido' mine molo nonive nete nene lihime daa' monovo nene gohi do oto ogo molo minelonido' nene mo keke' nomive.

Lingine ve mali'mi gelekele' ve lolo' ogo ei' gamazi've gele dalone li vi gi'mizi eito' gelekele' i-di'mi vi minilizani' ne'mo nene mo ei' gelekele' ve gehepeve nene nizave. Ido' lihime monovolo' gelekele' igi minilizani' ne'mi gihile nene helaa' nene do soto' o-lengedeleseive. Ido' O'mosolo' gelekele' igi minilizani' ne'mi gihile nene O'moso'mo evene' lisihe' ve lo-lengedeleseive. Ne'mino neingumu' nene lingine gilamani' nehe. Mo gili nilisave.

Ne neiha lingine gomu' nene lihime monovoli'mi gelekele' ve minani'za Kilisito' gonou' velite apizi lingimi di gelekele' i-lingidani' gamazi'mi monovolo' lutine milisa e'metani' nenako nemu' nene O'mosomu' tangezo' ve lolone. Ee, lingine nene lihime monovolo' gelekele' igi minanguti' nene O'moso'mo do kuluhize-lengedavo monovo lisihe' lamineli'mi gelekele' ve lili' ikeve.