Popular Bible Verses from Loma 5

Share

Ne neiha O'moso'mo lulo atoli'mine ogo leme neine' nene ne'mino do soto' ogo lelebizave: Laza nene ha lihimelo' ve nonivo Kilisito' aza evene' amiliza inite' gehepeve ogo lelito' medelo hiline' ve.

Ido' a'mine gele mu'musi' une' inite' nene vo haza ogavo lovozo ngelo ma helamolosune. Nene nanitekumu' ve. O'moso'mo ei' Sikalahu've lehize-lidine' ne'mo nene luteu' gono do O'moso'mo vauve elo lulo limine' ne'mi monovo nene do soto' ogo lelebizaa' neine' nenako nemu' nene a'mine gele mu'musi' une' inite' nene vo haza ogavo lovozo ngelo ma helamolosune.

Ido' nemukovo' lolize izesa'mune. Laza geni initeli'mi lulou' minelone' ne'mo nene O'mosomu' gele ele'vole' ogo mino geni gehe do dizo minelone' amuzote do naba o-ledaa' neive lo gele mino geni inite' lelita miningu' nesi nene a'mine genimu' nene ha lolize izo minaa' noune. Ido' O'mosomu' gele ele'vole' ogo mino geni gehe do dizo minelone' ne'mo nene O'moso'mo ninge lamine' iline' lemeni dameni nene do soto' o-ledeleseive. Ido' O'moso'mo ninge lamine' iline' lemeni damenisi minelone' ne'mo leli' nene O'moso'mo do eita oloseive lo laza gele mu'musi' olonido' nene do lisihe' o-ledaa' neive lo nesi nene gele none.

Nemu' nene ezemu' gele ele'vole' unidoti' nene O'moso'mo ve lisihe' ve lo-ledavo mino O'moso'mo lelikumu' izebolo' molani' nene mateline' aka Guvetesi ve Izesu' Kilisito' velavo ne'mo nene O'mososi lezesi vovoteu' nene gamazisi nomivo lamine' none. Ee, idise mela O'moso'mo nasahili' noo-lidivo none' aka nene a'mine Guvetesi ve ne'mo vele-ledavosa a'mingu' none. Ido' a'mingu' mino O'moso'mi emeni dameni lamine' nene mudise do leli' olosune lo a'minemu' nene gilingili ogo gizebo ogo lolize izo minaa' noune.

Ido' O'moso'mo lulo vauve elo limive luvoni' nene neemu' luve: Laza nene O'moso e'metelonido' minamo lute gilizevosi ha nonivo O'moso'mo molani' gamene nene lisihe' ogavo Kilisito' nene a'mine O'moso e'metamunivemu' nene medelo hiline' ve.

Nemu' nene ti' lo gelelesune: Kilisito' aza lelito' medelo lihimetemu' vanise've hulo helavo nemu' nene O'moso'mo idise ve lisihe' ve lo-ledavo none' nenako nemu' O'moso'mo evenekumu' izebolo' molani' nene Kilisito' do matosa lihime lemelinguti' do lu' izelingumu' nene mo gele mu'musi' olonido' o neive.

Ee, evene' hamoli'mo O'moso'mi gamazi gele hulidoti' nene evene' muki' lihimelo' vevo' lolo' une' ne'mino ve hamoli'mo O'moso'mi gamazi gele do osu' lidoti' evene' muki' nene ve lisihe' lolo' olosune.

Ido' neevo' nevoba asi Guvetesi ve Izesu' Kilisito' ne'mino idise O'mososi do hamo' o-ledavo none' ne'mo nene O'mosomu' lolize izo minaa' noune.