Popular Bible Verses from ROMA 3

Share

Ngaangai' ulun makatula noyo am maalur intor ri Aki Kapuuno' ondo' mamayag risilo. Ralalom asi' ri Aki Kapuuno' ondo' tinaakan ayuk, ulun mobonsoi saguli' Riso: ioginio, ralalom inggalan ri Kristus Jisus ondo' mampalabus risilo.

Ralalom pangintapatan ri Jisus Kristus ayuk ulun mobonsoi saguli' ri Aki Kapuuno'. Ginio saukon ra ulun ru Jaudi am poyo sala' ka Jaudi sabap ri Aki Kapuuno' kalo mampili' ra ulun.

Ginio ra i Jisus Kristus pinataak ri Aki Kapuuno' ra potoyon maa' raginio ra pinatayan Nano, tula ru ulun ampunon amon ru mangintopot ilo Riso. Binaal ri Aki Kapuuno' ginio koson manulu' ra kinabanis ru guang Nano, sabap ra galing i mataan guang Nano ra tula ru ulun saboi kalo nangukum risilo. Kaa' raino kalo boo polosoon No tula ru ulun koson mampakito ra kinabanis ru guang Nano. Ginio mampakito ra i Aki Kapuuno' motopot am mopobonsoi saguli' Io ra moonong ulun ondo' mangintopot ri Jisus.

Sabap ra kolondo' sangulun pana pobonsoyon ri Aki Kapuuno' sabap ra sumugut io ra panusuban ru Ukum no. Sotopot no, Ukum raginio mambala' ayuk ra itakau ulun makatula.

Koson ra tinulisan ra Buuk Kitab; “Kolondo' sangulun motopot ra pagilangan ri Aki Kapuuno', kolondo' ra sangulun pana makarati' ra atan ondo' motopot am sumamba ri Aki Kapuuno'. Ngaangai' ulun timinalikur intor ri Aki Kapuuno'; ilo ngaangai' kolondo' onong; kolondo' sangulun pana mambaal ra motopot, topot-topot kolondo'.

Arati' ru ngaangai' raginio, ulun mobonsoi saguli' ri Aki Kapuuno' sabap ra mangintopot io ri Jisus Kristus am sala' ka sabap ra gumagaya' ra Ukum ri Musa.

Maaru' kalo! Ondo' raguon ri Aki Kapuuno' motopot, kabalu' pana ngaangai' ulun maabau-abau. Mokoondo' tinulisan ra Buuk Kitab intor ri Aki Kapuuno', “Paat ra Okou mindagu, ngaangai' makapandai ondo' raguon Muno motopot, am paat ra Okou uwin, maala ngaangai' ondo' manguu' Rirun.”