Popular Bible Verses from Isaya 55

Share

Nkaambo miyeeyo yangu tiili miyeeyo yanu, anzila zyanu tazyeensi inzila zyangu, mbwaamba Jehova.

Nkaambo mbubonya mbuli ijulu mbulisumpwidwe kwiinda nyika, mbubonya obo inzila zyangu zilisumpwidwe kwiinda inzila zyanu amiyeeyo yangu kwiinda miyeeyo yanu.

Amuyandaule Jehova naacijanika. Amumukwiilile naacili afwiifwi.

Sizibi aleke inzila yakwe, asimilandu aleke miyeeyo yakwe, Aboole kuliJehova, kuti amufwide luzyalo, akuli-Leza wesu, nkaambo nguuinda kulekelela.

Nyoonse nimufwa nyota, amuboole kumaanzi, Alakwe oyo uubula mali aze, Amuboole, muule, mulye, Amuboole, muule waini amalili, Zyoonse tazyuulwi mali, tazijisi muulo pe.

Mbubonya mbuli imvula acivulamabwe mbuziloka kuzwa kujulu, alimwi tazipiluki nkuko, pele zilatilaila nyika akwiizyazya akwiisyusya, kuti ipe imbuto zyakubyala ansima yakulya, mbubonya obo mbuliyooba ijwi lyangu lizwa kumulomo wangu, Talikooyooboola kulindime cabuyo pe, liyoozuzikizya makanze aangu akucita kabotu makani ngendalitumina.

Nkaambo muyoozwa alukondo akweenzegwa aluumuno. Zilundu atulundulundu zyoonse ziyoetalika kwiimba kubusyu bwanu, amisamu yoonse yamuzisaka iyookambilila.

Amupempeke matwi aanu, muboole kulindime. Amuswiilile, lino myuuya yanu iyoopona. Nkabela njootanga anywe cizuminano citamani, nkukuti luzyalo lusyomeka ndundafwida Davida.