Popular Bible Verses from 1 Bami 19

Share

Kusule lyamuzuzumo kwakasika mulilo, pele Jehova katamo mumulilo. Lino kusule lyamulilo kwakamvwigwa ijwi lyaluumuno wi.

pele walo mwini wakeenda lweendo lwabuzuba bomwe musokwe, wakasika, waakukala munsi lyakasamu, wakakumbila kuti afwe, Wakati, Cazulila, Kondinyanzya buumi bwangu, O Jehova, nkaambo nsili mubotu kwiinda bamatata.

Wakati, Koya, ukaime acilundu kubusyu bwa-Jehova. Elyo Jehova wakainda, nkabela muuwo uungisya wakapwaya zilundu akuvwinyauna mandomba kubusyu bwa-Jehova, pele Jehova takakali mumuuwo pe. Kusule lyamuuwo kwakasika muzuzumo wanyika, pele amwalo mumuzuzumo Jehova katamo.

Elyo Eliya naakamvwa, wakalivumba kubusyu acibaki cakwe, waya anze, waima kumulyango wampangala, Mpawo wakamvwa ijwi, lyakati, Ucitanzi okuno, Eliya?

Oko wakajana impangala akukala mulindilyo, Mpawo ijwi lya-Jehova lyakamusikila, lyakati, Ucitanzi okuno, Eliya?

Elyo wakabuka, walya, wanywa, lino mukukuta kwazilyo ezyo nzizyonya wakeenda mazuba aali makumi one, isikati amasiku, mane kusikila ku-Horebu cilundu ca-Leza.

Lino wakalala, woona mpawo ansi lyakasamu. Nkabela kwakasika angelo, wakamwaampa, wamwaambila kuti, Buka, ulye.

Nkabela angelo wa-Jehova wakaboola alwabili, wamwaampa, wati, Buka, ulye, nkaambo lweendo lwakukacila.

Wakati, Ndasungwaalila Jehova Leza wamakamu abusungu bupati, nkaambo bana ba-Israyeli basowa cizuminano cako, bamwaya zipaililo zyako, bajaya basinsimi bako apanga, lino mebo ndasyaala endike, abwalo buumi bwangu balayandaula kubunyonyoona.

Elyo naakalanga, wakabona kuti kufwaafwi kumutwe wakwe kakuli cibunge acinkuli camaanzi, Mpawo wakalya, wanywa, walala, woona.

jezebeli wakatuma mutumwa kuli-Eliya, wati, Leza andicitile mbubonya akwiinda, na ndabula kucita kuti buumi bwako ayebo bube mbuli buumi bwaumwi wabaaba, mbuli eno junza.

Pele ndasyaazya mucisi ca-Israyeli bantu bali zyuulu zili musanu azibili, nkukuti mazwi oonse aatana kufugamina Baala, amilomo yoonse iitana kumumyonta.

Lino wakazwa oko, wakaakujana Elisha mwana wa-Safati, uli mukulimya basune maamba aali ikumi aabili, ajamba lyakumi aabili walo mwini nguwakali kulilimya. Nkabela Eliya wakainda nkwaakabede, wamuvumbya cibaki cakwe.

Lino wakapiluka, wabweza basune bobile mbaakali kulimya, wabajaya, wajika nyama azibelesyo zyaŋombe, waabila bantu kuti balye, Mpawo wakanyamuka, watobela Eliya, akumukutaukila.

Mpawo wakasia basune, weza buzuzaana kuli-Eliya, wati, Ntaangune kulaya taata abama, elyo ndakutobela. Wakavuwa kuti, Koya, upiluke. Ndakucitilanzi?