Popular Bible Verses from 1 Bami 18

Share

Kondivwiila, O Jehova, kondivwiila, kuti bantu aba bazibe kuti nduwe Leza, O Jehova, alimwi wapilusya myoyo yabo.

Lino kuciindi cakukomba kwamangolezya, Eliya musinsimi wakaswena afwiifwi, wakati, O Jehova Leza wa-Abrahamu, Leza wa-Izaka, Leza waIsrayeli, sunu kuzibwe kuti nduwe Leza mucisi ca-Israyeli, ambebo ndi mulanda wako, alimwi ijwi lyako ndelyakandicitya makani aya oonse.

Elyo Eliya wakaswena kubantu boonse, wakati, Ino mulaleka lili kuya busunkuta amiyeeyo yobile? Na Jehova ngu-Leza, amumutobele. Na Baala ngu-Leza, amutobele nguwe. Nkabela bantu teebakavuwa ijwi niliba lyomwe.

Mpoonya awo mulilo wa-Jehova wakaloka, walya cituuzyo azisamu zyoonse, amabwe, abulongo, akumyankuta maanzi aakali mululindi.

Nkabela bantu boonse nibakabona bakavundama ansi, bati, Jehova ngu-Leza! Jehova ngu-Leza!

Lino ciindi camusanu azibili nicakasika, wakati, Kwaboneka kayoba kaniini kali mbuli ijanza lyamuntu, kazwa kulwizi. Mpawo wakamulailila kuti, Koya, ukaambile Ahabu kuti, Kolibambila inkalaki yako, kuti imvula itakukasyi.

Nkabela ijanza lya-Jehova lyakalijisi Eliya, aboobo wakalyaanga-anga mucikungu, wazuzaana kunembo lya-Ahabu mane wakasika kumanjililo aa-Jezreeli.

Lino Eliya wakaambila Ahabu kuti, Koya, ukalye akunywa, nkaambo kulamvwigwa mandomondomo aamuyoba.

Lino wakaambila mulanda wakwe kuti, Koya ukalange kulubbazu lwalwizi. Wakaya, walanga, wati, Taakwe pe. Pele ziindi zili musanu azibili wakaindulula kumutuma.

Mpawo Eliya wakaambila bantu boonse kuti, Amuswene kulindime. Lino bantu boonse nibakaswena, wakayakulula cipaililo ca-Jehova icakamwaikide.

Lino muleelede kukwiilila izina lyamizimu yanu, ambebo njookwiilila izina lya-Jehova, nkabela kufumbwa Leza uusi pe mulilo, ngo-nguwe Leza mwini-mwini. Mpawo bantu boonse bakavuwa kuti, Mbubo, abota makani!

Eliya wakabweza mabwe aali ikumi aabili, mbubonya mbuli mweelwe wamisyobo yabana ba-Jakobo (ngonguwe iwakasikilwa ijwi lyaJehova lyakuti, Israyeli uyooba izina lyako).

Lino nikwakaba akalangabwaseme, Eliya wakabaseka, wati, Amukwiilisye, nkaambo ngu-Leza. Ambweni uli mukuyeeya, ambweni waya kumbi, ambweni uli mulweendo, ambweni uli mutulo aboobo uleelede kusinsimunwa.

Nkabela ayo mabwe wakaayasya cipaililo muzina lya-Jehova, akuzyungulusya cipaililo lulindi ilwakeelede zisuwo zyobile zyambuto.