Popular Bible Verses from Rom 3

Share

Nu iragi koerage taintoni menan God kakaewa mega tat dianeni nu ya taivin. Go Iesu Keriso koewa nuga gapan wat vetaneni menan God mek atonanu anuni gapan kakaewa garaet dianiwan.

Endi negin tamanawa ame anuton, ameme Iesu Keriso nunan tan anu tumasitoni menan God kakaewa dianiwan. Me yamap waenapan iravi gine daiton di, menan waenapan iravi Iesu anu tumasep kakae diamopen menan anuiwan.

God koewa nuga anu ae veapen menan Iesu watu enen bop tan deniwa tau visen. Nu anu tumasetawa menan God koewa nuga anun ae veta. Guegue mega kakaewa mame tani gapan to ewaniwan. Watageta, God waenapan koewa muga yawamoni go ya batnagen iwa mek imu pose ae bigaren wande en. Go endi koewa nuga batnagini iwa nu anu tumasintoni nagirewa kakae dianepen anuiwan amba ap gamup guegue mega kakaewa Iesu gamup ewanepen menan taiwan.

Go orup da iup anu warepi menan God kakaewa ya dieta go iup ame taueni iwa mega nu koewa nuga wat matakamep yao anupen.

God nop mega ok anega seane, Waenapan daiton kakaewa da uon, iravi koerage. Apan da daiton God menan ya anu aviwan. amba apan da daiton God yoa ya taiwan. Waenapan iravi God tandayasen ae ve amon, negin koewa gapan amuiwanum. Apan da daiton kakaewa da ya taiwan, daiton mini da uon di.

Menan nop davewa anuintoni manega, waenapan Mosis iup namua seni anu taiwanumampina kakae ya diamuiwan go Iesu anu tumasepi menan kakae diamota.

Ame venaseta, God di tata iwa nop mega ugup ya entaneta. Waenapan iravi ebo wain go God ebo da ya wata. Wataget Devit God menan ok anega seni, Nop gega iravi tamana wawa waenapan iravi anu umap wain, ap gapan enu yawage wapi wamewa gapan, orup da nop gega ya yamaseta.