Popular Bible Verses from Romaq 8

Share

Garai Gasang gi, Yhang myìt sôn tô é eq rajung za, ji yù luî, Yhang lé chyitdàp bâng é matú, lhúnglháng lé ge é dông chyat kut é hkyô lé, ngá-nhúng sê lhê.

Hkâsu mù gâ le, shî kôlhang, byùn kôlhang, maumang lagyô pé nghut kôlhang, agè ashop é nàt pé nghut kôlhang, shí i-pyàt nghut kôlhang, htang pyàt nghut kôlhang, haí jung a-tsam pé nghut kôlhang, htoq tsáng mâ é nghut kôlhang, a‑ô tsáng mâ é nghut kôlhang, hpan tô é gótû haî nghut kôlhang, ngá-nhûng é Yhûmsîng Hkrisidùq Yesuq má bo é Garai Gasâng é chyitdàp myìt mai, ngá-nhúng lé wó lhoqkâng pyám râ a nghut nghû, ngò gi, hkyak wó sê yu ri.

Haû eq rajung za, Sô gi, ngá-nhúng wum nyhôm é hkyô má garúm byî ri. Ngá-nhúng gi, haî dung râ é lé a sé kôlhang, haû Sô yhang gi, dang mai a wó taî htoq é nò-kying htê dông, ngá-nhûng é matú bo dûng xoq byî ri.

Haû jáng gi, shí hkyô eq séng luî, ngá-nhúng haî taí shirâ lhú? Garai Gasang gi, ngá-nhûng hkyam shut nghut jáng, ngá-nhúng lé, ó yùq wá gyè wám kut râ lhú?

Haû mù luî, ahkuî, Hkrisidùq Yesuq má nghut nyî bâng é matú gi, mara byî é hkyô a jòq lô é nghut lhê.

Haû yubàk byu é myìt gi, shi é hkyô nghut ri; haû So èq hkang to huí su é myìt kúm gi, chyungxe eq nguì ngón hkyô nghut ri.

A wó lhoqkang; ngá-nhúng lé chyitdàp Su é yánmai, ngá-nhúng gi, haú pé bànshoq lé je wó ung pyâm é nghut lhê.

Ngá-nhûng é ahkui lhê é wuîhke jamjau hkyô pé gi, ngá-nhúng lé shit râ nghut é hpungwup shingkang eq whuí râ a gíngdán nghû, ngò wó myìt ri.

Hkrisidùq é chyitdàp myìt mai, ngá-nhúng lé, hai èq wá wó lhoqkang râ lhú? Gunjang huî é hkyo èq lùq? Wuîhke huî é hkyo èq lùq? Zing-ri huî é hkyo èq lùq? Mùtmó huî é hkyo èq lùq? Gùngchîn dùt huî é hkyo èq lùq? Gyùq jûng èq lùq? Sham èq lùq?

Ngá-nhûng é i‑myìt ûnghkaû lé gôn wú é Sû gi, haû Sô myìt é hkyô lé sê lhê, hkâsu mù gâ le, haû Sô gi, Garai Gasang ô nau é dông, sân-yúng bâng é matú bo dûng xoq byî ri.

Garai Gasâng é So èq shuî û é hui bang gi, Garai Gasâng é yhang zô pé nghut lhê.

Haû yubàk gùngsho dông chyungxe dui é bang gi, gùngsho yùt yùt ô nau é hkyô pé lé myìt zùq nyi akô; haû Sô dông chyungxe dui é bang kúm gi, Sô ô nau é hkyô pé lé myìt zùq nyi akô nghut ri.

Yhûmsing é Yhang zo lé lháng a ha bûn é za, ngá-nhúng bànshoq bâng é matú àp byî pyâm é Sû gi, Yhang lé le, lhúnglháng lé le, rahá laí laí byi râ a nghut lhú?

Ngá-nhúng gi, Garai Gasâng é yhang zô pé nghut é lé, Sô haû gi, ngá-nhûng é sô eq rahá sàksé hkâm nyi ri. Ahkuî, ngá-nhúng gi, zo wuî nghut bê yánmai, Hkrisidùq eq rahá, Garai Gasâng é a-myû hkûngxoq pé wó dùt é nghut lhê. Ngá-nhúng gi, Hkrisidùq é wuîhke jamjau pé lé, gè gè yhang bo hui zô é nghut jáng, Yhâng é hpungwup shingkang lé le, bo myang hkam yù râ nghut lhê.

Haû yubàk myìt gi, Garaî é târâ ô má a nyi é htoq agó, haú lé a wó cháng kut é yánmai, Garaî é gyè nghut ri.

Haû hpan to huî é lhúnglháng gi, Garai Gasâng é yhang zô pé lé lhoqhtoq shit byi râ lé, gyai yhang myìt láng nyi akô nghut ri.

Haû hpan to huî é lhúnglháng gi, ahkui hkyíng jé shoq, zohkû nò no é su nò-kying kyîng nyì kô é lé, ngá-nhúng sê lhê.