Popular Bible Verses from Hpilipi 4

Share

Haî eq séng luî le, myìt hkâ-myo hkâchiq kó; hkyô hkangmó má jeju hkya-on uchyang, kyûdûng é eq dûng tôngbán é dông, núngmòq dûng é hkyô pé lé, Garai Gasâng chyáng shit kyô nyì keq.

Haú hkûn, sê hkyang é u-nuq bànshoq htoq má gyaú é, Garai Gasâng é nguì ngón hkyô gi, núngmòq é myìt nhiklhum eq núngmòq myìt é hkyô lé, Hkrisidùq Yesuq má ùpzúng byî nyì râ nghut lhê.

Jihtûm má, gu-mang wuì ê, tengmán é, hpautap gíng é, díngmán é, sansêng é, wó chyitdàp é, hkúngga gíng é, haî má nghut kôlhang, xânghpoq nge wó dik é hkyô rajung jung, a nghut jáng, hkya-on gíng é hkyô rajung jung bo é nghut le gi, haû sû é hkyô pé lé myìt nyì keq.

Ngò gi, ngo lé wum-o a-tsam byi sû Hkrisidùq é yánmai, hkyô hkat hkangmó wó kut lhê.

Haû Yhûmsîng má hkâ-nhám le gabú nyî keq! Ngò dum taî lhê, gabú nyî keq!

Ngá é Garai Gasang gi, Yhang agùn agó wó sùt nyi é eq rajung za, núngmòq râ é hkyô bànshoq lé, Hkrisidùq Yesuq má lhoqgúm lhoqjùp byi râ nghut lhê.

Núngmòq gi, ngá chyáng mai wó mhoq hkam yù bê hkyô pé, wó gyo wó myang yù bê hkyô pé, haî lé le châng kut nyî keq. Haú hkûn, nguì ngón hkyô byî é Garai Gasang gi, núngmòq eq rahá nyi nyì râ nghut lhê.

Núngmòq nú nhâm é hkyô, byù bànshoq bang lé sé nhâng keq. Haû Yhûmsîng gi, chyáng bê nghut ri.

Râ tô é u lé, hkâsu kut râ ngò sê lhê; agùn agó wó é u lé, hkâsu kut râ ngò sê lhê; hkyô hkangmó eq dùt tô é ahkyô lhum jùp má, wam gyi kôlhang, zò-mut kôlhang, agùn agó wó tô nyì kôlhang, râ to kôlhang, myìt dik nyì râ hpàqchyî lé ngò wó mhoq yû bê nghut lhê.

Ngò îsu nghû taî nyi é gi, ngò má râ é hkyô bo tô é yánmai taî é a nghut, hkâsu mù gâ le, ngò gi, ngò hui mîhui má, nhik dìk nyì râ matú mhoq yû bê nghut lhê.