Popular Bible Verses from Kolose 1

Share

Hkâsu mù gâ le, Îwa haû gi, ngá-nhúng lé, mauchut èq ùp é hkaû mai hkyi htoq yû luî, Yhang chyitdàp é Yhang Zô é mîngdán má shuî hâng é Sû nghut lhê.

Hkâsu mù gâ le, mauhkûng eq myigùng htoq má jòq é azíng zê pé, myòq èq byu-myang é eq a byu-myang é pé nghut kôle, hkóhkâm ayá pé, a-tsam pé, ùphkâng bang, ahkáng ayá wó bang nghut kôle, lhúnglháng gi, Yhâng èq hpan to huî é chyat nghut lhê. Lhúnglháng gi, Yhâng é matú, Yhâng èq hpan to huî é chyat nghut ri.

Yhang gi, lhúnglhâng é hí mâ é nghut mù, lhúnglháng gi, Yhâng é yánmai jòq gîng bum é chyat nghut lhê.

Hkrisidùq gi, myòq èq a byu-myang é Garai Gasâng é gùnghkyâng isâm nghut luî, zo-mún dông hpan tô é lhúnglhâng htoq má gyaú é sû nghut ri.

Haû nghut é yánmai, ngá-mòq gi, núngmòq eq sêng é hkyô lé wó gyô é nyí mai, núngmòq é matú ayang kyûdung byî nyi lhê. Garai Gasang ô nau é hkyô lé sé râ hpàqchyî lé, sô eq sêng é hpàqchyî byéng-yá eq sê gyô é u-nuq bànshoq dông mai núngmòq chyáng lhoqpyíng byi sháng gàq nghû, Yhâng chyáng kyûdung byî nyi lhê. Haú su kut kyûdung byî é gi, haû Yhûmsîng ô nau é hkyô eq gíngdán é dông núngmòq chyungxe wó duî luî, hkyô hkangmó má Yhang lé wó gabú nhâng râ matú nghut lhê. Hau dông mai, núngmòq gi, ge é múzó hkangmó má ashi zuî nyì luî, Garai Gasang lé sê é hpàqchyî má kô myhang nyì kôrâ nghut lhê.