Popular Bible Verses from Htoq Ló 2

Share

Garai Gasang gi, yhángmòq é ngaùhkyûng ngaùyang htê lé wó gyo byi mù, Abraham, Isak eq Yakup pé eq tô tô é Yhâng é dangshikaq lé myìtbun bê nghut ri. Garai Gasang gi, Isira-elaq byu pé lé wú shogyo mù, yhángmòq é hkyô lé myìt byi bê nghut ri.

Ahkyíng buìnyì tsómra myáng byùq é htâng má, Egutuq hkóhkâm shi byùq bê nghut ri. Haû Isira-elaq byu pé gi, jùn dut nyi é má ngaùhkyûng ngaùyang dùt nyi bùm kômù, wùt ngau bùm kôluî, yhángmòq jùn dut é yánmai, garúm wùt dûng ngau é htê gi, Garai Gasâng chyáng hkyang dòq ló bê nghut ri.

Zoshâng haû kô lò jáng, myiwe myhí haû gi, yhang lé, Hpara-uq é yhang zo byìzô chyáng shuî ê byî é nghut mù, yhang gi, Hpara-uq é yhang zo byìzô é yhang zo dùt bê nghut ri. Hpara-uq é yhang zo byìzo gi, “Ngò, yhang lé wuì mai xe htoq yu é nghut lhê.” ga taí mù, yhang lé, Mosheq ga myìng myhíng byî ri.

Haú hkûn, Hpara-uq é yhang zo byìzo gi, myiwe myhí haú lé, “Nyheqnú shî lé nàng bún ló mù, ngá é matú ló bo hku ko byi aq; ngò, nang lé ahpau byi râ nghut lhê.” ga taî ri. Haû mù, myiwe myhí haû gi, nyheqnú haú lé bún lô mù, lo baú ko bê nghut ri.

Haú u lé, Hpara-uq é yhang zo byìzo gi, gùng chi râ ga Nile Wuìlàng má gyó wang e é nghut luî, yhâng é duìnhâng zoshâng wuì gi, wuì yàm má sô wún bum akô. Yhang gi, jàm yò má kyáng ralhum byôm tô é lé myang kat mù, haú lé ê xe lò râ matú yhâng é duìnhâng zoshâng myhí lé nhang kat ri.

Mosheq kô ding é htâng, ra-nyí lé, yhang gi, yhâng é byu pê chyáng htoq ê mù, yhángmòq zuî hkyik zuî ngú nyi é lé ê wú ri. Haú hkûn, yhang gi, yhâng é a-myû Hebre byù rayùq lé, Egutuq byù rayùq èq nhuq bàt nyi é lé myang ri. Haû mù, yhang gi, lhînghkyùq má wú kat le ó a nyi to luî, Egutuq byù haú yùq lé sat pyám mù, se-muî jàng má myhup pyám bê nghut ri.