Ngò gi, Horep bùm mâ é lungmó zîng nàm, náng é hí má yàp to râ nghut lhê. Nàng gi, lungmó zîng haú lé bàt râ nghut mù, lungmó zîng haú mai shiwa byu pé shuq râ wuì htoq lô râ nghut lhê.” ga taî ri. Haû mù, Mosheq gi, Isira-elaq byu pê é sûwún wui é myòq hí má haú dông kut bê nghut ri. Jowò haú má, Isira-elaq byu pé myíng myô lhum kô é yánmai le, “Haû Yhûmsîng Garai gi, ngá-mòq chyáng nyi lhê lùq, a nyi é lùq?” ga luî, Yhûmsîng Garai lé yhángmòq chyam wú kô é yánmai le, jowò haú lé Masa ga le, Meriba ga le myhîng akô nghut ri.