Popular Bible Verses from Lagyo 2

Share

Petiruq gi, “Núngmòq yùq hkangmó myìt lhîng mù, Yesuq Hkrisidùq é myìng mai wuìmyhup hkâm yù keq; Haû jáng, núngmòq é yubàk hkyut pyám byî é hui kôrâ nghut lhê. Haú hkûn, Chyoiyúng Sô gâ é chyûnghuq lé, núngmòq wó yû kôrâ nghut lhê.

Haú bang gi, lagyô pé mhoqshit é hkyô, zùm yàp é hkyô, mùk hpê gam é hkyô eq a-kyû dûng é hkyô má, i‑myìt rahkat za chôm châng nyi akô.

Yhángmòq lhúnglhâng bang gi, Chyoiyúng Sô byíng lo bùm kômù, So èq taí nhang é eq rajung za, làklaí dang dông nyo lo bum akô.

Haú hkûn, laìdun mó lo é su gâ é htê gi, byò dàn ratung, mauhkûng mai mying htoq lô mù luî, yhángmòq zîng tô é yhûm byíng shoq dùt to bê nghut ri. Myishâm su dùt é le byò myín htoq lô mù, yhángmòq yùq jùp é ahtoq má jé tô bùm bê nghut ri. Yhángmòq lhúnglhâng bang gi, Chyoiyúng Sô byíng lo bùm kômù, So èq taí nhang é eq rajung za, làklaí dang dông nyo lo bum akô.

Yhángmòq gi, nyí wuî myìt rahkat zâ èq noqkuq yhûm wàng má nyi nyi akô. Yhûmsing é yhûm pé má le mùk hpê gam é hkûn, Garai Gasang lé hkya-on kúngtôn uchyang, gabú é eq myìt huî é èq chôm zo chôm shuq nyi bum akô; byù bànshoq bâng é hí má le myòqdong wó bum akô. Haû Yhûmsîng gi, nyí wuî yhángmòq chyáng hkyi yù hui bang jàt lò nhang ri.

Yhang taî tô é gi, ‘Garai Gasang îsu gâ ri: Ló htâng é buìnyì pé má, Ngò Ngá é Sô lé byù lhúnglhâng bâng é ahtoq má hut gyun râ nghut lhê. Haû mù, núngmòq é yùqzo byìzô pé gi, myìqhtoi htoi kôrâ; núngmòq é zorâm wuì gi, myòqwùp shing-rán pé myàng kôrâ; núngmòq é hpaû mâng pé gi, yhupmòq myàng kôrâ nghut lhê.

Lùmjíng é lhúnglhâng bang gi, rawò má za zùp zîng to mù, azíng zê bànshoq lé chôm chung nyi akô. Yhángmòq gi, yhûmsing é sùtzè pé lé, ûng pyám mù, yùq hkangmó lé, yhang râ tô é eq rajung za gàm byî akô.

Haú hkûn, Yhûmsing é myìng lé lâng é bang yùq hkangmó gi, hkyi yu é hui kôrâ nghut lhê.’ gâ ri.

Haû Yhûmsing é kô hkìkhkam é buìnyì a jé shi-má, buì gi, mauchut byùq, lha-mó gi, sui dùt byùq é hí dùt râ nghut lhê.