Popular Bible Verses from Hibru 13

Share

Miki ma ilomi ŋalae koŋa ŋana kagona mbaliŋa kâ ndimo. Ara ŋana miki ma kaporo lâ warakami ilomi tu, “Kelekele ndia kala naŋa akai lâ, ande ŋinde ikurana”. Ŋana tu Maro Kindeni muŋga iporo ŋgua mine tu, “‘Naŋa ma akatonami ikura zo rârâni. Naŋa ma apilemi kamo kaa nâ, ande tia ndo”.

Yesu Kirisi i ŋana ipalele kâ, ande tia ndo. Vetâŋa ndia iveta lâ zo muŋgâŋa, ande i uru iveta vetâŋa kie taituni lâ zo ŋine wa lâ zo muli-muli wa.

Mine kala kinda takura tu tamandi kaika ku taporo mine tu, “‘Maro Ŋalae nde naneŋgu Pavilâŋa Tamwata. Mine kala naŋa ma aruru tia ndo, ŋana tu kinzi tamâta sikura ŋana siveta vetâŋa soki pa naŋa, ande tia.”

Ambo miki nawalami pinde simo kaa nâ, nenzi kelekele tia, ande ara ŋana miki ma kaveta kemi ara panzi ku kavilanzi lâ nemi kelekele pinde. Miki ma kalomi kapa ŋana kaveta mine kâ ndimo, ŋana tu Maro Kindeni ilo ara ndo ŋana patarawâŋa kie mine.

Mine nde ara ŋana kinda ma tasuka Maro Kindeni ŋa kâki ikura zo zo. Yesu iveta nzâla pa kinda ŋana ma tapanea Maro Kindeni, aku paneâŋa ŋinde ma ikâki papa i itogo nenda patarawâŋa mwasina.

Kinda tamâta nenda pakâeŋa nde vetâŋa ara ndo. Mine nde miki tamâta ea kakâe lâ, ande miki ma kakatona nemi pakâeŋa ŋinde sondo ndo, ŋana ŋinde ma ikeno mbâra-mbâra ndo lâ Maro Kindeni nao. Miki kasama tu Maro Kindeni ma ipare nia panzi tamâta ea siveta mâsi sakamao kaŋa-kaŋa ŋana sipalulua tininzi potomule kâ.

Aku lâ zo ndia tamâta lombo ma simâ pa nemi lawea, ande miki ma kalomi ŋgere sondo ku kakainzi simo nemi luma ilo. Miki kasama tu muŋga, tamâta pinde sikainzi tamâta lombo pinde ku sionzi simo nenzi luma ilo ŋana sikatonanzi kâ. Kinzi situ tamâta lombo ŋinde nde tamâta nâ, andeta kinzi ŋandai tamâta ŋga; kinzi nde aŋelo.

Kala ŋine miki kakai Maro Kindeni ne nzâmbe mine; nenda Maro Ŋalae Yesu, ina kinda lama ŋgu nenda katonâŋa ara, ande ipaliŋi tamwata see ku imâte ŋana iveta Maro Kindeni ne ŋgua pâŋa wasaseki ipâŋga kanaŋo, aku ŋgua pâŋa ŋinde nde ŋana marumbu kâ, ande tia ndo. Mine kala Maro Kindeni, ina wisi-pisi warika, ipaŋo i lâ mateŋa nianzi imo via kilo. Maro Kindeni ne pavilâŋa imâ pami ku ivilami ŋana kaveta vetâŋa rârâni ipatea pami ŋinde. Aku ina io Yesu Kirisi ne walo kaika imâ ilonda kalonda, ŋana tamo sondo lâ i nao, ikura i ilo papa mine. Kinda nenda paneâŋa ilâ pa Yesu Kirisi ikura zo zo, ma tasuka i ŋa kâki mine ku tamo nâ. Mao.