Popular Bible Verses from SAN MATEO 13

Share

Ërei jókuae temitɨ oa ɨvɨ kavi pe vae oyembojaanga Tumpa iñee oendu jare oikuaa kavi vae re. Jare jókuae metei temitɨ güi, amogüe cien jäɨ, amogüe sesenta jäɨ jare amogüe treinta jäɨ vae rami ko.”

Jökorai vi jókuae temitɨ oa yuu pɨte rupi vae oyembojaanga Tumpa iñee oendu vae re. Ërei omboɨpɨ oyemoambeko ɨvɨ pegua mbaembae re, jare oyembotavɨ, oipota oikokatu jeko pegua, jare omoakañɨ ye Tumpa iñee güi. Jáeramo jae reta jókuae temitɨ iambae vae rami ko.

Kia oyeapɨsaka Tumpa iporookuaía re jare mbaetɨ oikuaa kavi yave, jae ko jókuae temitɨ tape rupi oa vae rami. Echa ou voi jókuae ikavimbae iyapoa jare omoakañɨ Tumpa iñee güi.

Jökoraiño vi jókuae temitɨ oñeotɨ itatɨ rupi vae oyembojaanga jókuae Tumpa iñee oendu vae re. Jupiveiño omboresive oyerovia reve. Ërei kuae temitɨ japo mbaetɨ mombɨrɨ ojo ɨ́vɨkotɨ ramo mbaetɨ ɨma oiko. Echa, oime mbɨatɨtɨ ani tembiporara Tumpa iñee jeko pegua yave, jupiveiño ogüɨapi.

Araɨgua mborookuaía, korepoti oñeotɨgüe rami ko. Echa metei kuimbae oväe yave jókuae korepoti oñeotɨgüe, oñotɨ pɨau ye, jare oyerovia reve ojo omee korepoti re opaete imbaembae ogua vaerä jókuae ɨvɨ.

Ërei ïru temitɨ oa ɨvɨ kavi pe. Kuae reta okuakuaa kavi jare ia. Amogüe cien jäɨ, amogüe sesenta jäɨ jare amogüe treinta jäɨ.

Tokuakuaa päve mókoi reve trigo yaipoo regua. Jare yaipoo ma yave, jaeta ombaepoo vae reta pe: Pemboatɨ räri trigoraanga peyokua peapɨ vaerä. Ërei pemboɨru trigo cheavatío pe.’ ”