Popular Bible Verses from Mak 2

Share

Olo hungkuno loso Jisas nupa'nonto ulɨmento, A'amu mnokino ane'njo wopɨngo humalofoso hofɨko a'amu uyohofaho siyo'njo sohumo mu'mapitnnehofo. O'o, a'amu mnokino'njo so'nohini u'mantɨfeho. Oso pa'nyoso ngko a'amu honɨngkano wopɨngo'njo hwona'nyoho lɨwo'nɨngkohofo somne'no joho lutɨmayo'ne pmmentohe hwonɨ'maho. O'o ngko a'amu honɨngkano wonyo'njo somne'no pmmentohe hwo'nyoho. Ose ulɨmentisofoho.

Jisas kako uhwonɨmentisoso oso a'amu itokwapmmentohofo sohwa hofɨko Jisasɨmo sɨmeho hi'ntnnono yokumpohn'nyo uyahonɨngkofi Jisas uhwononto hwe mnokino'njo sohumo ulɨmento, Olo hwomu lohwosi, ngko jɨje honɨngkano wonyoso wae nto yakumofohono. Ose ulahonɨngki

Ose ulonto Jisas nom'ne hungkuno Falisi sohwamo ulɨmento Anɨtu kako sɨkuno iyoho humayoso peho'ne mtɨ'mokumentisoto. Kako hwe moya'mi ufo'mayo'ne mtɨ'mokumentisofoho. I a'amufe honɨngkanomo hano pitofasyo iyo'ne mtɨ'mokumentisofoho. I sɨkuno iyoho humayo homo a'amumo ufo'mayo'ne mtɨ'mokumentisofoho.

A'amu pi'nɨngo uhula'mo'mentohofo so'no uhwonontɨfi hofɨko Jisasɨ'njopo mitofasiyofoho. Oso'no sokango antɨfepo kotasontɨfi iku'yo nofentɨfi a'amu mnokino'njo sohwo kakoe ijempoho hi'nji Jisas humentanjo mompo impe intofuyoho'mokumentohofofoho.

Oseso sekwo huno waseyono. Ngko A'amufe Hwomu sohwo'ni olo hwaho lopo a'amufe wonyo wae yaofo'ne yokumpohn'nyo hinjo hwo'nyoho. Ose ulonto hwe mnokino'njo sohumo ulɨmento, Wakilɨmo. Filɨkaho. Jɨje ijempoho nomahoji jɨje angopono fɨwano.

Olo hwe mnokino'njo lohumo pehofo ulɨmne'elo. Hungkuno nohayo ntisoto. Jɨje honɨngkano wonyo wae weekumo'mo ulɨmnehono. Nom'ne hungkuno ole, Filɨkaho. Jɨje ijempoho nomahoji mpano. Pehofo ulɨmnehono.

Ose ulahonɨngki hwe sohwo nolɨkafonto kakoe ijempoho nomanto, noswopahonɨngki a'amuso nuhwonontɨfi yomo yontɨfi Anɨtuye yofe ho'nomantɨfi ulɨmentohofi, Hohonta nakwo oleso muhwonyofoho.