Popular Bible Verses from Mak 1

Share

Iyohohwe'nji Jisas nolɨkafonto kengopo a'amu mohumunyo sopo nowento osopo kako Anɨtumo jomo ulɨmentisofoho.

Ole ulɨmento, Upa'nɨmno. Olohonta Anɨtuye sɨkuno mofoneponoho. We'enepi Anɨtu kako kakoe a'amu so'nyumo yokumpohn'nyo enemokosyohumanefoho. Sekwoe honɨngkano wonyo somne'no hohujo ikinjaofɨkuji Anɨtumo sɨmeho hi'ntnnono uyɨmno. Ose lutɨhwamentisofoho.

Jisas mijo mta'ango nosɨ'mofaponto uhwonɨmentisoso ahwomo mtampo lohofahonɨngki Anɨtuye Towahuno yɨhufo ntolofiyo pa'nyo sohwo Jisasɨmo wekehumapmmentisofoho. Oso hohosohonta ahwomo mta'ni ole ho'nɨmento, Kɨko nje Hwomu sohwohnne'no, ngko sɨmeho wopɨngo mɨkunɨmposo kijapalokweno. Kɨko yo'mayo wopɨngo iwo'nɨngkino so'no nje sɨmeho wopɨngo nɨmo'nantofoho. Ose ho'nɨmentisofoho.

Ngko sekumo mijo'nohino kiyosemawo'nɨngkono. Hwe tɨfinjo sohwo kako Anɨtuye Towahuno Wopɨngonjo sohwo wokiyosema'montonoho.

Jisas nuhwononto ulɨmento, Siko ngkimo tɨfi nnɨngkapinyo. Siko inanɨku mawo'nɨngkisiye pa'nɨngoso Anɨtumne'no a'amu mayo'ne wolosetɨhwamo. Ose ulahonɨngki sikoe inanɨku ho'yo komo'no nulɨko'manji Jisasɨ'nji umentohofofoho.

A'amuso hofɨko kakoe hungkunomo upa'nontɨfi yomo imentohofofoho. Hwapɨngoso hofɨko a'amu honɨngkano hungkuno lutɨhwamotofo sohwa pa'nyo hwo'maho. O'o, Jisas sohwo kako hungkuno hwapɨngo wo'nnyo hweho.