Popular Bible Verses from Mako 5

Share

Sombi naŵo ŵalilaŵile kuli ye ati: Wemwana wanji, ukucetekela koŵe kwakupulusya; uye neŵutende, ulukwikele upulucile kukulwala koŵe.

Lomba nemwanakasi umbi uwali neŵulwele ubwakuswe'milopa imyaka ikumi naiŵili, nekusomenwa kufintu ifinji kuŵalaye aŵenji, nekulukuposaila amaŵoni akwe onse, uwakuŵulo'kukosa neli panini, sombi uwulwele bwakwe nekulukukula lukoso.

Lomba impindi iyo yopele, kuntulo yamilopa yakwe nekupwa; peŋka ye nekumfwa mumuŵili ati natenduluka kuŵulwele.

Peŋka'po ŵalimwikete umwanice kuminwe, nekulaŵila kuli ye ati: Talita kumi-akwaluka ati: Wemwanice, ndukukuŵula ati, Ŵuka!

Peŋka, ili ŵacilaŵila, ŵaliisile aŵafumine kwaŵo impemba iyamwisunagoge, nekulaŵila ati: Umwana wenu wafwa! Mbanindo mulukuŵakatasisya Aŵasambisi nafimbi? Sombi ŵaYesu, pakumfwa amasiwi alaŵilwe, ŵalipulilile ukulaŵila kumpemba iyamwisunagoge ati: Mwitina, mucetekele lukoso!

Peŋka kale ŵaYesu ŵalaŵile kuli ve ati: Wemupasi uŵipile, fuma-mo mumuntu uyu! Naŵo ŵalimwipwisye ati: Mbesina lyoŵe niwenani? Nave nekuŵaasuka ati: Isina lyanji nineLejo, pakuti tuli ŵenji.