Popular Bible Verses from Matayo 13

Share

Nawoyo uwaminsilwe-po peloŵa iliweme, uyo ewoyo uumfwe'Siwi, nekuliisiŵisya, nekusakamuna icinenene, nekwikata pambi umwanda, pambi napo amakumi asanu nalimo, napambi napo amakumi atatu.

Kaŵili uyo uwaminsilwe-po pakati pamyuŋga, uyo ewoyo uumfwe'Siwi, peŋka ifyakuŵamba mumitima ifyapampindi ino, nekutumpaika ukwamaŵoni, filataŵilisye'Siwi, nalyo nekuŵa cilusya.

Pakulyumfwa umuntu lsiwi lyaŴufumu, nekuŵulo'kuliisiŵisya, uwakuŵifya alesa, nekusompola-mo ico icaminsilwe mumutima wakwe. Uyo ewoyo uwaminsilwe-po pansila.

Kaŵili uyo uwaminsilwe-po apali amabwe, uyo ewoyo uumfwe'Siwi, nekupulilila ukulipokelela nekutemucila; sombi umwine taakwete imisyu, alekala impindi ice lukoso; peŋka pakuŵuka ifyakupensya nefyakukululusya pakuti peSiwi, alapulilila ukulitutula.

Uŵufumu bwaKwiulu ŵulipalene nemaŵoni afiseme mwiŵala, ayo atulucile umuntu, nekufisa; popele, pakuti pakutemwo'kwakuti, aŋgaya, nekuposa fyonse'fyo ifi ali nafyo, nekuula iŵale' lyo.

simbi nasyo syalitolokele peloŵa iliweme, nekusakamuna; lumbi uluŵuto kalusaŋguka umwanda, lumbi nalo amakumi asanu nalimo, nalumbi nalo amakumi atatu.

Filekeni, fikulile pamo fyoŵilo ukufika nakumpindi yakuloŋgela: peŋka, pampindi yakuloŋgela, ŋkalawila kuŵakuteŵula ati: Mutaŋge musalulule-mo ifyeŵamba, mufikake'mipo, mukafyoce; sombi tiligu muloŋgele muŵutala bwanji!