Popular Bible Verses from Ifyakufuma 2

Share

Peŋka ŵaLesa kawomfwo'kutoŋgela kwaŵo, naŵo ŵaLesa kawalaŋguluko'kulayana kwaŵo ukwakuli Ablaamu nakuli Isaci nakuli Yakobi. Po pele ŵaLesa ŵalibwene aŵaIsilaeli, naŵo ŵaLesa ŵaliŵesiŵile.

Popele apo, pakupite'nsiku isyo isinji, lomba imfumu yawa Ijipiti yalifwile: kaŵili aŵaIsilaeli ŵalukusisimuka pakuti pali ŵukalume bwawo; naŵo kaŵalukulila, nekulila kwaŵo nako kakufika kwiulu kuli ŵaLesa pakuti pali ŵukalume bwaŵo.

Po pele umwano'yo nekukula, lomba ŵanyina walimutwite kumwana wakwe Falo, naye umwanice waliŵele koti mwana wakwe. Naye walimwilicile isina lyakwe ati niMose, nekulawila ati: Nipakuti nalimwabwile mumenda.

Popele umwana wakwe Falo umwana kasi walilaŵile kuli ŵo ati: Utwale umwano'yu, ulukundelela-ko, ŋkakulambula. Peŋka umwanakasi uyo walimutwite umwana, nekulukumulela.

Popele umwana wakwe Falo umwanakasi waliisile kunika mukusamba; kaŵili aŵasyakasi ŵakwe ŵaliendele mumbali yanika; popele naye kaaŵone'camuseke pakati pafipepetu, kaatumo'musya wakwe mukucileta.

Popele apo pansiku isyo, ili akulile Mose, alifumine mukulukuya kuŵakwaŵo, nekucete'fipinto fyaŵo; po pele kaaŵono'muIjipiti alukumupamo'muEbeya, umukwaŵo umbi. Popele naye kaacencenta; peŋka, pakuŵona ati tapali-po neli muntu, kaamwipayo'muIjipiti, kaamufisa mumuseŋga