Popular Bible Verses from Danyeli 6

Share

Popele Danyeli, ili aisiŵile ati amalembo aliŵicilwe-po nekesiwilo, aliinjile muŋanda yakwe; (lomba netumbeluka twakwe utwamuŋanda yakwe twaliisucile-po ati kololesya kuJelusalemi); popele alukufukama impindi sitatu pakasuŵa nekulukutembela nekulukutota pamenso aŵaLesa ŵakwe, koti nifyopele'fyo ifi walukucita nekale.

ŴaLesa ŵanji ŵali ŵatuma iŋkalamba yaŵo, nekufumbatisya kutunwa tŵaŋkalamu; lomba tasinsomesye-po; pakuti, pamenso aŵo, palibwenekele ukufumbucilwa muli neŵo; kaŵili napamenso enu, mwemfumu, nsiŵifisye-po.

Ndukufunda ati, Monse umu bwikalika uwufumu bwanji, aŵantu ŋgawalitutumine ŵalukutina pamenso aŵaLesa ŵakwe Danyeli; pakuti ŵo niŵaLesa aŵali nemweo, aŵalukwikalilila insiku syonse; uŵufumu bwaŵo taŵukonalwa-po, uŵukulu bwaŵo ŵukalukwikele ukufika nakumpindi yakupela-ko. Ŵalaluŵula nekupulusya; ŵalacito'twisiŵilo nefimpelampela mwiulu napacalo capansi; niŵo aŵamupulwisye Danyeli kumakosa aŋkalamu.

Popele apo imfumu yalifundile; naŵo nekumuleta Danyeli, nekumuposa mwiceŋgo lyaŋkalamu. Lomba imfumu yalilaŵile kuli Danyeli ati, ŴaLesa ŵoŵe, aŵo upyunjila insiku syense, eŵakukupulusya!