Popular Bible Verses from Danyeli 3

Share

Peŋka Syadilaci naMesyaci naAbedinego nekuyasuka imfumu ati, MweŵaNebukadinesa, tacili ceŵo cesu icakumwasukeni ifyafifi. Kani nifyefyo, ŵaLesa ŵesu, aŵa tulukupyunjila, ŵaliisi ukutupulusya kwisiko lyamulilo ukulu; icine ŵakatupulusya muminwe yenu, mwemfumu. Sombi kani ifyo tefyo, ŋgamwisiŵe'fi, mwemfumu, ati, tesi tupyunjile ŵalesa ŵenu neli kucicindika iciŵumbwaŵumbwa ici mwaimika.

Nayo nekwasuka ati, Ŵoneni, naŵona aŵantu ŵane aŵakakulwilwe, ŵalukwenda mukati kamulilo, kaŵili taŵakwete-po neli kusomenwa; nakaŵili amekalilo awoyo uwaŵuŵane ali koti mwana waŵalesa.

Popele Nebukadinesa walilaŵile ati, Ŵalicindeme ŵaLesa ŵaŵaSyadilaci naMesyaci naAbedinego, ŵopele ŵatuma iŋkalamba yaŵo nekuŵapulusya aŵapyunjisi ŵaŵo aŵalukucetekela muli ŵo, nekwalula amasiwi amfumu, nekuposa imiŵili yaŵo, ŵeŋgesa-kupyunjila neli kucindika ŵalesa ŵambi ŵonse aŵataŵali niŵaLesa ŵaŵo aŵene.

Pakuti pali fyefyo ndukucite'funde ati, Aŵantu ŵonse aŵamikoka yonse neŵamilaka yonse, aŵakalaŵila umucobwe kuli ŵaLesa ŵaŵaSyadilaci naMesyaci naAbedinego, ŵakapinaikwa tunini tunini, kaŵili amananda aŵo akaaluka mupili wesyala; pakuti tapali-po lesa umbi uwisi ukupulusya ukwakuŵe'fi.