Popular Bible Verses from Rom 9

Share

Anam amunu, Kayak Nug anam hette, amunu diig am danab laa nuhig dabmakppanu keeke iitta, uɗat ena hette amuppa ele iitta. Amuam Kayak Nug oo gai-iitta doya oo metta ehanittak kobol nuhig, Nug amuppa hette.

Aɗinu? Nug Moses amegppa aum. “Da danab laanu oo gai-iitta doye ool metten ehanidkkulnu ool daatte dayeb amu, da aakku hekkul, o da danab laanu oo bodoetta le maknu kobol dim lamittaknu ool daatte dayeb amu, da anam hekkul,” awa aum.

Amge o danab, na am aɗi danab amunu na Kayak amegppa a ona a doak nai madittem? Wan hinai nug danab nug hette ele amu, nug amegppa, “Na aɗinu inam heiɗttem?” oɗ medattete?

Amunu ig doottem, Kayak Nug danab laippu laa nuhignu oo gai-iitta doya oo metta ehanidkkunu oo hette amu, Nug aakku anamib hette, o iitta Nug heeb, danab laanu dabmak ɠagattag ebakkunu oo hette amu Nug aakku hette.

Waa keeke hak danab nug wan lekkoh iɗu laippuppa hinai aɗit, laa bala enanagnab, uɗat ena haknu, amu laa bala iitta, uɗat mauhnoak haknu haatkkunu dabmaama, nuhig dabmak dim lamitta hekkunu elele iittate?