Popular Bible Verses from Rom 11

Share

Iittanab! Nug nukka aakkuib keeke oh diig daatte. Nug nukka aakkuib keeke ohnu Mamelag daatte. Keeke oh am nuhignuib daatteb. Binag amahlak oppiaawak ele hanhan nuhignu dayaɗ! Genab.

Genab! Kayaknu doyak dabmak ena ele, aria doyak nuhig ele, keeke aɗit amuam okkainab, unuqagnab ele daattep. Ig danab ig maittak nuhig oh diig mattita anidkkunignu elele iittanab. Amu ig ib oh Nug dim lamidtte ele, ig elelenab doognignu ele elele iitta.

Amuam Kayak naippa, nai laa daatte, am amubia. Nai amuam inam. “Aun laa nug Naɗinu dabmak oh anttom? O aun laa nug nuhig ulum mettaknu danab dayaya, ulum nai laa mettom?

Amu bianab haen imuppa ele Israel oolagppan ameg laa Kayak Nug ag ehanittak okkai hamu madatta tituanattom. Amu Kayak Nug danab amu ehanittak okkai hamu madatta tituanattom dayeb amu, Nug ag uɗat heppig amuppa ii diiattom. Ag uɗat heppig amunu Kayak Nug diiattom daalo amu, Kayak Nug ehanittak okkai hamu mettakppa danab diittenu kobol amu keeke hamu daalo, ehanittak okkai hamu mettak kobol amuam meu iitta daalo.

Kayak Nug danab laa, nug dattanu olip ad ebekkud laala qiialatta awowa, ebekkud ii qiialattak daappig oolagppa olip dakkuɗ eppeg laa awa tuɗitte bau daatte, amubia Kayak Nug he, ag iitta aɗi ag gemu ena bau daatteb. Ag iitta aɗi ag gemu amu ag am olip dakkuɗ eppeg bia, gemu amu ag ɠagattag, kobol ena ele Kayaknu aotteb, eppekkud diɗippa keeke ena aotteb bia. Amge ag eppekkud otakkattak, hamu daatteb ele, ag amu dilag nai eheɗ aib appig. Ag nai eheɗ amananu amu ag dabmena autna aweg! Ag diɗi ii gumatteb. Iitta. Diɗi ag gumadtte. Ag am eppekkudib daatteb.