Popular Bible Verses from Eksodas 9

Share

amge da geha dahil ɠagattag okkai na ippunidkkulnu, danab ah wan atu ohppa da onil dooglagnu amu, da na king meitti, na okkai aakku daattem ⌊amunu, da ag aqai ii mauhppig⌋.

Paro anam he, dimppa Yawe Nug Moses amegppa aum. “Na gona, Paro amegppa inam appe dookku! ‘Yawe, Nug ig Hibru, ihinig Kayak amu, Nug na amenppa inam atte. “Na danab ah dahilad ag gona, da noolppa dup nona binal mekkulagnu, na ag paɗadppe ukkeg!” ’ ” awa aum.

⌊Genab, laa da bia ii daatte. Aɗinu?⌋ Da amu hekkulnu dabmelom amu, da matu na nahipad danab ah ele oɗe nau danab kuɗum aqe mauhtteb ele, amuppa eheɗ hadappi, ag oh iitta melob

Yawe, Nug ag Isip, ahilkad doɗ amu oɗe eheɗ naunab madakku. Nug geha nahipad doɗ dad okkaippa daatteb, amuam hos, donki, kamel, makau, sipsip amu meeme ele, Nug amu oh dilagppa heeb, oɗe naɗi amu aoglag. Amge Yawe Nug geha Israel dilag doɗ dabmadakku. Dabmadatta, Nug amubia Isip dilagppa iinab hema. Israel dilagppa laippu laa ii mauhma. Isip dilag aakkuib, ag mauhkkulag,” awa aum.

Amu butti haen inamppa, geha da heppi, ais doɗo uug okkainab ele Isip wanppa nekkulag. Isip wan imuppa haen nug digmak beebe, ais doɗo anam ii neppig, uɗia gemu batak. Anam amunu, na danab amelagppa ag nahip makau, amu nahip keeke laala oh dimittim mauhnoak daatteb amu, ag akkan gona, lag laala ooppa maatteg! Ag amu ii hekkulag dayeb, ais doɗo okkai na, danab, doɗ ele ag dimittim daaglag amu, ag aqeb mauhkkulag,” ’ ” awa aum.

Aa anam hepeɗ amu, aria aab uhuɗ amu geha gappud wan tonatte bia ba, Isip wan oh elele metteb, haen uhuɗ amu danab, doɗ ele beɗulagppa na qeeb amu, Isip wan ohppa ag beɗulkadppa mamattin ba, ihilag okkai mekku,” awa aum. Nug anam aum amunu, Moses, Aron ele aa aab uhuɗ aoya goya, aa Paro noobppa hippaidya daayya, Moses nug aab uhuɗ amu tauɗe, attan teum. Aria, aab uhuɗ amu he, danab ah, doɗ ele ag beɗulag ohppa mamattin ba, mamattin amu yu qa, toɗa, ihilag mettom.