Popular Bible Verses from Eksodas 8

Share

Aria, haen Isip dilag baɗ mak danab ag ahilag baɗ mak heppeg, peipe bekkulagnu heppig amu, ag hekkulagnu elele iitta daappig. Amu peipe ag danab ah, doɗ ele happutadppig. Am Isip dilag baɗ mak danab ag Paro amegppa appig. “Kayak nukka keeke imu heum,” aon appig. Ag anam appig, amge Paro nug nuhig dabmak ɠagattag eppa daye, Yawe aum bia nug Moses, Aron ele nai apiɗ amu, nug amu dabmetta, ii doyom.

Deɗ eblaih aɗit ele amu uue amu, Yawe Nug Moses amegppa inam aum. “Na Paro gumidna gona, dahil nai imu appe doyaɗ! ‘Yawe Nug na amenppa inam atte. “Na danab ah dahilad, ag da noolppa dup nona binal mekkulagnu amu, na ag paɗadppe ukkeg!

Yawe Nug anam he, og amu mauhna iitta meeg, haen ena daye, Paro nug amu antta, Yawe aumbia, nug he, nuhig dabmak ɠagattag eppom. Nug Moses, Aron ele nai apiɗ amu doya, dab-ii-meum.

Na dahil nai ii dim lamidna, na ag paɗadppe ii gokkulag dayeb amu, geha da heppi, og huanak ag beppeg, ag Isip wanppa eheɗ naunab daaglag.

Dimppa Yawe Nug bau laa Moses amegppa inam aum. “Na Aron amegppa appe, nug dudqak hokkat nuhig huma, wan gappud makkuɗeb, Isip wan ohnu gappud amu geha eɗueb, peipe huanaknab bekku,” awa aum.

⌊Paro nug nai doyaya, nug nai tappe nak he,⌋ Yawe Nug nai aumbia he, qid ameg naɗi uɗin, Paronu lag enanagnab, ag amu ooppa nona, nuhikkud ehanittak anuqak danab laulkadppa, am danab ah laulkadppa ele ambeppig. Isip wanppa amu, qid ambena heeg, wan nauha autanab awom.