Nug anam a amu Pita nug aum. “Ananias, aɗinu Satan na ootppa ambe, na Kayak Ouɗi amegppa hambuppuak nai mattinna, ‘Da wan mei, laa nug daden me, men doɗo aomi amu oh iikku,’ ame, amge na laih nahip daakkunu piɗe mee dayeye, laihib aon uɗime? Na tatam wan amu laa aokkunu ii meeme, am nakka nahip dayom. Am dimppa na ae, daden meeg, men doɗo amu ele nahipib dayom. Amu aɗinu na kobol amu hekkutnu ootppa dabmeme? Na heme amu danab ii buppuidme. Iitta. Na Kayak amegppa hambuppuak nai mattime,” awa aum. Aria, haen Ananias nug Pita nai aum amu doya, nug na qa mauhe, danab oh ag amunu nai doona amu, ag huan baɗappig.