Popular Bible Verses from Kaikauwhau 3

Share

He taima ano kua takoto mo nga mea katoa, me te wa mo nga meatanga katoa i raro i te rangi

He wa e whanau ai, he wa e mate ai; he wa e whakato ai, he wa e hutia ai te mea i whakatokia; He wa e patu ai, he wa e rongoa ai; he wa e wawahi iho ai, he wa e hanga ake ai

He wa e tangi ai, he wa e kata ai; he wa e aue ai, he wa e kanikani ai; He wa e akiritia atu ai nga kohatu, he wa e kohikohia ai nga kohatu; he wa e awhi ai, he wa e kore ai e awhi

He wa e haehae ai, he wa e tuitui ai; he wa e whakarongo puku ai, he wa e korero ai; He wa e aroha ai, he wa e mauahara ai; he wa e whawhai ai, he wa e mau ai te rongo.

He wa e rapu ai, he wa e ngaro ai; he wa e tiaki ai; he wa e akiri atu ai

E mohio ana ahau ko nga mea katoa e hanga ana e te Atua, ka mau tonu a ake ake: e kore tetahi mea e honoa mai, e kore ano hoki tetahi wahi e tangohia atu: i meatia hoki e te Atua kia wehi ai nga tangata i tona aroaro.

Ka mea ahau i roto i toku ngakau, Tera e whakawakia e te Atua te tangata tika raua ko te tangata kino: no te mea kua takoto te wa i reira mo nga meatanga katoa, mo nga mahi katoa.