Popular Bible Verses from APALYNAH 11

Share

Vaiming a pasarihnah takhei a hmoka cawh tung ka, vaicung lekhei o thangpui tah a ringpaw taco, “Khazaw painah raang cawh kaa Buipaw le a Khri painah raang tah cang myca ka, Ama taco chaizaw tah chaizaw tai a uh myca a,” tatah aa tah.

Raang sahlo cawh aa thingae ka, na thing a tho myca hrah, mehthi biacenah cai le na sae, Khazing khuavang sahlo le mehpathai sahlo le na ming a cizawpaw sahlo, mehlai kha mehchia kha lahsong pehnah cai le alui a rawhrangpaw sahlo he hlydenah cai cawh a tlung myca,” tatah aa tah.

Taico kama a pa hnikhuitu pahning khah hmingtuakhynah pei he neh ka, buri khah a hrei he ka, aaning taco, ning 1260 chung bia aa phy a,” tatah a pa ching.

Canghrasala, ningthung le a chy khy tah Khazing taitei hringnah hu cawh aaning kha a nae ka, a daw he ka, a hmuhpaw sahlo cawh aa ci a tho.

Ma cawngsaw sahlo heh cawh bia aa phy chung vytei khua kangsah khynah hmingtuakhynah hnui he ka, aa duning cai maikaw tah tui khah thisai cangsah khynah le alui khah ruhanah rawrungpaw a phingphing tah hrai khynah hmingtuakhynah zong aa hnui.

Ma cawngsaw tlaw heh alui Buipaw a hme letei a dawpaw oliv kung hning le me-ing chianah tung tunghning cawh a cang he. Taico, ahotahmai tah aaning cawh hanah peh a pachia caco he, aa kaw taitah me piá ka, aa carae cawh a kangseh he a. Ahohmai aaning hanah peh a pachiapaw sahlo cawh Khazing tah ma hrahei a thaw he a.