Popular Bible Verses from Rom 3

Share

Onaa rayome pupitagi neme-pulu nimumi Gote-na oro yaalo mapiraape kone na-ademe. Pare Gote-me epe raba meape kone sua onaanu esepe maredepo yaasa-pulu nimu Yesu Krais raapu epe-rupa mapiraasa. Goa pea-pulu nipumi nimu madaa natalia.

Onaanumi Yesu madaa kone rulaeme-pulu Gote-me nimu maredepo yaaya.

Gote-me Yesu mea rapaasa rabu niaana kone kedaa omenalo gisa. Go rabu niaame Yesu madaa kone rulalima rabu niaana wae yae mea rubalia. Onaanumiri Gote-me Yesu mea gisare onaanu nipu raapu epe-rupa pirinalo pisa. Abadere Gote-me pawa pirua onaanuna wae yaenu pa adaba pirisa. Pare abia Gote-me onaanu nipu raapu epe-rupa mapiraainalo niminaaeme-pulu Gote-me onaana wae yaenu waru adea. Goa pea-ga Gote-me nipuna epe redepo ne kone mea waatea. Goa pua onaa rayome Yesu madaa kone rulalimiri nipumi go onaanu maredepo yalia.

Gote-na rekena agaa mogealia-pulu go aare Gote-na ini agaa madaa redepo ne aa-rupa napia. Dia, rekena agaana kogonore aa medame pupitagi nalia-daare mea waatea.

Gote-na agaa pa ti buk madaa agaa gupa ia: Su amaa piri onaa rayore redepo ne onaa padane-daa napimi. Goa pua kone makuaae onaa rayo ora padane-daa napimi. Onaa meda Gote aasa pulalo napimi. Onaa rayome Gote masaa rilaawa ora pa-rupa piruaeme. Onaa rayome ora wae yae pu pimi. Ora padaneme page epe kogono napea.

Gore gupa pagamina: Onaanumi Gote madaa kone rulalimi-daare Gote-me go onaanu maredepo yalia. Onaanumi rekena agaa mogeaaeme-daare nipumi nimu namaredepo yalia.

Dia-ga onaa rayore yaa agaa lala peme pare Gote-me oro yaalo ora agaa ta. Gote-na buk madaa agaa gupa ia: Neme agaa te rabu nimuna agaa loraalimi. Onaanumi koso lape agaa teme rabu neme nimuna agaa rabuanaalia.