Popular Bible Verses from Apocalypse 8

Share

Na wê cöö pè rhùvia pètâbâ pèkanii na ma kaar̂u, na bör̂i dö tâwâdê rö nékö rèi rha böömèè pè mèèxa.

Na bör̂i ku döö na angéla ka baayê. Na bör̂i pwa na kwa péö mâ kêmör̂u, é ber̂a vè rhaaxâ war̂a, é bör̂i rhau yer̂e ria na bwêê jë; é bör̂i kèr̂i virai pèkarir̂i ékar̂a bwêê jë, aè é kèr̂i virai bar̂ee pèkarir̂i pâr̂â nékêê, mâ é kèr̂i rö nédeewi wânii ka mö müü.

Gö bör̂i tö rhûû mâ pwêr̂ê dèxâ dâ ré cêê rö rua néwâviöe nékö, na bör̂i êr̂ê na ce rö-i mêr̂ê aʼ xi-e ka mör̂ö, êr̂ê: «Aauu mwêê! Aauu mwêê! Aauu mwêê, yè pâr̂â kâmö pa yè cuè rö-a bwêê jë rai ké aʼ i pâr̂â döö ré cér̂é yè mâ ku i na parir̂i angéla!»

Na bör̂i kudö na angéla pèkaar̂u, é bör̂i yer̂e ria na nérhëë dèxâ kââ ka ûr̂û gwêêwè ka kau ka kê xè-i kêmör̂u, na bör̂i wê mii ûr̂û war̂a na dèxâ ékar̂aè pèkarir̂i nérhëë

Na bör̂i wê ku döö na angéla pèkarir̂i. Na bör̂i bèi ria na dèxâ âr̂âwir̂è ka kau mi xè nékö, na wér̂a vi na ûr̂û yèi, na bör̂i bèi ria ö pâr̂â kar̂ö rhëë, mâ pâr̂â kaa pwé i rhëë ka pôr̂ô. Aè ö néé âr̂âwir̂è-ré, wè kââ ka mèrè; na bör̂i mèrè na dèxâ ékar̂aè pèkarir̂i pâr̂â nérhëë, aè cér̂é pôr̂ô na pâr̂â kâmö pa wê mé xè-i pâr̂â rhëë ré ka dö mèrè.

Na bör̂i ku döö na angéla pèkavùè. É bör̂i ya dèxâ ékar̂a pèkarir̂i mèèxa, dèxâ pèkarir̂i var̂ui, mâ pâr̂â ékar̂a pèkarir̂i âr̂âwir̂è, cè ki wê orê na pâr̂â ékar̂aè né pèkarir̂i, na da bör̂i waa tëë na dèxâ böömèè pèkarir̂i i karèè, na ûr̂û-ré bar̂ee na bwê.