Popular Bible Verses from Apocalypse 7

Share

Tèi nédèè pâr̂â kââ-ré, gö bör̂i tarawaa, aè tö rhûû pâr̂â kâmö pa pôr̂ô yéyé aau, wè é da tâwai yè vâr̂â, wè xè-i mi pâr̂â névâ wânii, mâ pâr̂â mwââr̂ö, mâ pâr̂â kâmö, mâ pâr̂â mêr̂ê aʼ xè pâr̂â névâ. Wè cér̂é rhau tömâ rö némèè kaa per̂e, mâ némèè Arénio, aè cér̂é cur̂i pâr̂â mêr̂ê ka uèuu, aè cér̂é tuwir̂i pâr̂â dee nû i néxar̂a â-r̂é.

Cér̂é êr̂ê vè mör̂ö, êr̂ê: «Xè-i mi Bâô, ce ré tö kaa per̂e, mâ xè-i mi Arénio, na vi pè mör̂u!»

Wè nè yè vi ër̂i-r̂é na Arénio, ré tö négowé né kaa per̂e mâ nè yè mâ yörhèè-r̂é na kaa pwé i rhëë né mör̂u, aè nè yè bör̂i câ vè mèr̂i pâr̂â pwêê rhëë rö pièmè-r̂é na Bâô.»

Tö ökâré, cér̂é wê tö némèè kaa per̂e i Bâô, mâ cér̂é kâmö yar̂i xi-e rèi bwê mâ daa rö mwâ xi-e. Aè ö ce ré tö kaa per̂e, wè nè yè mâ yakôwîî-r̂é i mwââ mwââlöö xi-e. Cér̂é yè da mêr̂ê tëë, mâ cér̂é yè da bar̂i wâyö tëë bar̂ee, aè nè yè da tèi-r̂é na karèè mâ pixê.

«Koa waa vè yaané bwêê jë mâ nérhëë, mâ pâr̂â nékêê-a kwéyë rua na ki gèvé rhùvia pètâbâ i pâr̂â kâmö yar̂i i Bâô rö pèr̂èmè-r̂é.» Gö bör̂i tö pwêr̂ê ké pôr̂ô xé-r̂é, pâr̂â kâmö ré é rhùvia pètâbâ, wè cér̂é 144.000 mille na pâr̂â kâmö ré é rhùvia pètâbâ-r̂é, xè-i pâr̂â mwââr̂ö wânii i pâlè Israèl