Popular Bible Verses from Hébreux 12

Share

Tö ökâré cér̂é tömâ pwânûr̂i-ré na pâr̂â kâmö pa ye vè avâr̂i pa pôr̂ô yéyé, na bör̂i e na ki gèré kâyâi virai bar̂ee pâr̂â yerii wânii, mâ nô ka yaané ré pè rhèwir̂i-ré, aè gèré yè vi rhâmâ mâ pè mör̂ö-ré rö-i ké vi kwa rö némèè-ré, mâ tö rhûû Ièsu rö, ce ré némèè mâ vi yexèvè tâ néwèi, mâ ce ré cëi pèii rö-i sataurö, aè na da rhî vè dö kââ ké yè pè köö-è, xè-i uxo é nââ yè-è, na bör̂i cuè na ce rö ékar̂aè é gaamëë né kaa per̂e i Bâô.

Wè cér̂é da ûr̂û pè vi or̂o; aè pè vi nénââwêr̂ê na pâr̂â vi aʼpâgür̂ü wânii; aè tèi nédèè, na bör̂i tö vèa na pwêê ka e né târi rö pwar̂a-r̂é é pâgür̂ü-r̂é.

Köiwaa e târâdâ na gëve rö pwar̂a pâr̂â kâmö wânii, mâ vi rheewaa, wè na yèri kâmö ka yè tö rhûû Ör̂ökau na ki yèri vi rheewaa.

Na e na ki gëve tâ néxâi-e na gëve, wè na kâmö ré pè mör̂ö-è na ce rai ké vi yiâ rai-e vè mör̂ö i pâr̂â kâmö pa yaané, tâ néxâi-e, koa wè-ve yör̂a mâ vi mür̂ü na pâr̂â pwéé-ve.

Tö ökâré, gèré yè cëi mwâcir̂i ka é yè da rhùr̂ùù, na bör̂i e na ki gèré tö xar̂a vè mör̂ö vi méar̂i vi bwir̂i cè ki mâ kâmö yar̂i ka e yè Bâô xar̂a vi rheewaa mâ bar̂a yè-è.

Cëi e ké aʼpâgür̂ü yè-ve, wè na waa yè-ve na Bâô ûr̂û pâr̂â pâlè-è; wè wîr̂î na o yar̂i ré na da pâgür̂ü yè-è na pevaa xi-e?

Wè na kêmör̂u ka ara na Bâô xé-ré.

Wè cér̂é waa pè urhii yè-ré na pâr̂â pevaa xé-ré rèi pâr̂â nédaa ka duwê, na ûr̂û rhî vè e xé-ré, aè na pâgür̂ü yè-ré na Bâô cè gèré e, mâ cè ki wii yè-ré bar̂ee xè-i ké ar̂ii xi-e.

Wè gëve da tö cowa mör̂ö rai kwéyë rua na ki jö na war̂a xe-ve tö ka yapurhâi xe-ve nô ka yaané.