Popular Bible Verses from 1 Jean 4

Share

Na yèri bar̂a rö-i vi méar̂i, aè na yayâwâ virai bar̂a na vi méar̂i ka rhâri, wè na pè tö vèa bwêêpë na bar̂a, aè na da rhâri xè-i vi méar̂i na kâmö ré bar̂a.

Ba yar̂i xi-nya mwêê, xè-i mi Bâô na gëve, aè gëve dè vigâr̂â yè pâr̂â ko-ré, xè-i ké vi kwéjî na ce ré tö xe-ve rai ce ré tö bwêê jë.

Tö ökâré méar̂i Bâô na gèré, wè na dè méar̂i-ré baayê na ce.

Pâr̂â pa dö wêê nénââ xi-nya mwêê, na e na ki gèré vi méar̂i-ré; wè xè-i mi Bâô na vi méar̂i, aè é ër̂i-r̂é xè-i Bâô na cér̂é wânii ré dö vi méar̂i mâ rhîâgür̂ü Bâô.

Ö kâmö ré da dö vi méar̂i, wè na da rhîâgür̂ü Bâô, wè Bâô wè vi méar̂i.

Ökââ rö vi méar̂i, na da xè-i ké méar̂i xé-ré Bâô, aè xè-i rö ké méar̂i-ré xi-e, na bör̂i tùr̂ùwaa mi O xi-e vè êê pwaér̂ö vè nâânévâ xè-i pâr̂â yaané xé-ré.

Pâr̂â pa dö wêê nénââ xi-nya mwêê, nè yè méar̂i-ré ûr̂û-ré na Bâô, na bör̂i e na ki gèré vi méar̂i-ré bar̂ee na gèré.

É wê cowa êr̂ê vèa yè-ré vi méar̂i i Bâô, rö-i ké kâyâi i Bâô O xi-e ka rhaaxâ rö na bwêê jë cè ki gèré mör̂u xè xi-e.

Nè yè êr̂ê na dèxâ kâmö, êr̂ê: «Gö tâ néwèi Bâô», aè na rhîaa i kaavèâi-e, wè dè ce rö kâmö ka vee; wè ö kâmö ré da méar̂i kaavèâi-e ré na tö rhûû-é, nè mâ tâîî ké yè méar̂i Bâô ré na da tâwai tö rhûû-é?

Ö kâmö ré êr̂ê vèa, êr̂ê, na O i Bâô na Ièsu, wè nè tö xi-e na Bâô mâ nè tö-i Bâô na ce.

Aè ökââ mââyöö ré gèré tö xar̂a xè xi-e, êr̂ê, ö kâmö ré méar̂i Bâô, wè nè yè méar̂i kaavèâi-e.

Pâr̂â pa wêê nénââ xi-nya mwêê, koa yè cëi pâr̂â ko wânii, aè dè waawaa pâr̂â ko, êr̂ê, xè-i mi Bâô ra, wè cér̂é pôr̂ô na pâr̂â péröféta pa vee ré pwa mi rö-a bwêê jë. Gëve yè rhîâgür̂ü ko i Bâô xè-i ö kââ-ré, êr̂ê, ka mi xèi Bâô na pâr̂â ko ré vi êr̂ê vèa, êr̂ê, na wê pwa na Ièsu Kérisö rö-i kar̂ö; ökâré ko ka mi xè-i Bâô

aè ö ko ka da êr̂ê vèa Ièsu, wè na da mi xè-i Bâô, aè ökâré ko ka rhîaa yè Kérisö, ré gëve wê pwêr̂ê, êr̂ê, nè yè pwa, aè na dè mö ké tö-a bwêê jë xina na ce.