Popular Bible Verses from RUM 8

Share

Tisen ne ilu ban neng mung inu iaʹ nuyan, Allah iaʹ mepo aheʹ diaʹ malaʹ neng ia, uyan ne ca peniga. Allah nengangan mengin ida dina bayaʹ kimet te.

Abeʹ keʹ babak tekaʹ, nyahut un inu iaʹ senteng petat ilu cen pengemalaʹ Allah ne, naʹ pia patai, naʹ pia udip, naʹ pia melikat, naʹ pia bali iaʹ ngkang usun tanaʹ, mele inu penyukat diaʹ ca, naʹ pia puyan iaʹ un naʹkini, pekina pe iaʹ kenai bayaʹ ʹo, abeʹ senteng; naʹ pia diaʹ kempau ngan diaʹ kentaʹ, mele pe inu inu iaʹ ca iaʹ nuyan kusun tanaʹ, abeʹ dina senteng ke petat ilu cen pengemalaʹ Allah iaʹ ilu ban un dalem Keristus Yesus iaʹ Tuʹa le.

Pekina lete Berua Tuhan ina ke mepo ilu eng pengelemaʹ le, moʹ le abeʹ un tisen kumpin seʹ iaʹ tekep ilu ke lemameʹ. Atek Berua ina tengen iaʹ taten nyat neng Allah milu ngan dau kerahing, iaʹ ilu supeʹ ke badaʹ.

Inu ne iaʹ ke baʹan dau le neng mung puyan ini tupe? Buk Allah iaʹ payo ngan le, aheʹ iaʹ senteng ke ti ngan le ne?

Naʹkini aheʹ iaʹ mudip pebulung dalem Keristus Yesus, abeʹ ne penyalaʹ un nyalet ukum neng ida laʹa.

Buk kimet cem pele penyaheʹ usa hem, ketai ubo ho patai. Buk kimet cem pele dau pengubaʹ Berua Buheʹ ina, ketai ubo ho udip ngan udip iaʹ tadan.

Lan te, dalem mung puyan ini, ilu iaʹ atek un usun ne moʹ kuʹun Keristus iaʹ ban malaʹ ilu.

Moʹ tekaʹ kihoʹ keʹ, un penuyen iaʹ ilu tegoʹ ngajan le mudip ini, buk le pata ha ngan serema peniga iaʹ kenai luhaʹ neng ilu bayaʹ, coʹ laleʹ tekajaʹ a.

Buk pekina, aheʹ iaʹ senteng ke petat ilu cen pengemalaʹ Keristus tupe? Penaru mo, ngan keta mo, ngan tuyen mo, ngan lien mo, ngan kasip gelam mo, ngan penusa mo, ngan sihoʹ bahing ayau mo, nyahut dina senteng ke petat ilu cen pengemalaʹ Keristus ne.

Un Allah iaʹ mile kedalem penawai kelunan, ia ngetisen inu iaʹ kimet Berua Buheʹ ina. Moʹ Berua Buheʹ ina lemameʹ Allah me diaʹ anun ne, bayaʹ ban pengubaʹ Allah.

Mele aheʹ diaʹ pele Berua Allah ngkin ida, ida ne diaʹ anak Allah.

Aheʹ diaʹ mudip bayaʹ penyaheʹ usa re, seʹ de pele penyaheʹ usa re ngkang kimet de. Aheʹ diaʹ mudip bayaʹ dau pengubaʹ Berua Buheʹ ina, seʹ de pele Berua Buheʹ ke ngkang kimet de.

Abeʹ pe ia maʹam Anak ke ne. Ia mencai ia me ilu mung. Lepa ne ia naʹ Anak ke milu: inu laleʹ e abeʹ un ke naʹ tuaʹ mung inu inu milu lene.

Berua Allah iaʹ petuk ngan berua le, apan ne badaʹ ilu dini tugen ban anak Allah. Moʹ le anak ke, inu iaʹ Allah ban pedemun me diaʹ anun ne, ilu ke un ne. Ngan inu iaʹ Allah pedemun me Keristus, ke pemung pe ilu ke un ne ngan ne pelaʹa. Moʹ buk le pemung penuyen ngan Keristus, ilu lete ke pemung ngan ne dalem serema peniga ha ʹo.

Ngan pekini kelunan ketai pebunoʹ ngan Allah, buk kimet de ke pele pengubaʹ penyaheʹ usa re, moʹ abeʹ de tunuk bayaʹ dau adet Allah. Sematu re abeʹ un sukat.

Mung inu diaʹ kentaʹ langit ne diaʹ ban Allah uyan, bioʹ tebelum nte mengaʹ Allah ke peluhaʹ diseʹ de diaʹ anak ke.

Moʹ tisen te ilu ban mung inu iaʹ pemuyan Allah keta ngan ngerahing pabeʹ naʹkini, koʹ baʹan leto iaʹ sakit nganak are.