Popular Bible Verses from RUM 3

Share

moʹ mung le ban uyan penyalaʹ ngan tai coʹ tepa le neng serema peniga Allah. Un ʹo Allah mencai tuaʹ le pengelesau ue me ilu kelunan, ina ukoʹ le mung tai teneng ngan ne ban kuʹun Keristus Yesus, iaʹ nakau ilu cen penyalaʹ le.

Allah ke peteneng ilu kelunan tai teneng ban kuʹun pengelan le neng Yesus Keristus. Pekina pemuyan Allah neng mung diaʹ ngelan Keristus. Abeʹ Allah selepeʹ neng kelunan

Allah ban mencai Yesus ca ncai petutung, iaʹ ukoʹ ke uyan udip iaʹ ke menting kenca Allah ke nai sihoʹ ilu kelunan, bayaʹ ban pengelan nte neng ia. Pekina Allah mencai Yesus, idi ie peluhaʹ janan ne ke peteneng ilu tai teneng ngan ne. Cen naʹaʹ kena kenai Yesus, Allah ban mekep penyalaʹ kelunan ngan denaʹ tawai ie. Un sepuʹo naʹkini, Allah sau penyalaʹ le apan ne peluhaʹ se ban lan ne peteneng ilu tai teneng ngan ne. Neng pemuyan ini, luhaʹ ban Allah un peneneng, laʹa ia ke peteneng mung diaʹ ngelan neng Yesus.

Abeʹ un aheʹ iaʹ tai teneng ngan Allah moʹ kuʹun pemuyan ne bayaʹ Katuk Adet Musa. Moʹ Katuk Adet Musa ke cuk ilu kelunan ke ngetisen penyalaʹ de.

Koʹ baʹan dau dalem Kitap Tuhan: “Abeʹ un aheʹ kelunan tai teneng, ca usa pe abeʹ un. Abeʹ un aheʹ iaʹ tisen pekimet. Abeʹ un aheʹ iaʹ tai mita Allah. Mung nte ban tai pupa nyelikut Allah. Ketai re mung neng iaʹ abeʹ un tuman. Abeʹ un aheʹ iaʹ uyan tiga, ca usa pe abeʹ un.

Sen dau heʹ ne: kelunan ketai teneng ngan Allah ban kuʹun pengelan nte le, abeʹ e kuʹun pemuyan nte ban bayaʹ dau Katuk Adet.

Nyahut de senteng ne. Bang Allah iaʹ atek teneng lan. Naʹ pe mung kelunan iaʹ palo, abeʹ Allah palo. Koʹ baʹan dau iaʹ un dalem Kitap Tuhan: “Ahaʹ Tuhan, atek luhaʹ ban teneng ngkoʹ dalem dau tiraʹ koʹ. Atek koʹ un usun tegoʹ dulu ke pebetep dau neng ikoʹ.” Pekina dau Kitap.