Popular Bible Verses from PUYAN LUHA’ 7

Share

Lepa ina, kun nceʹ taʹan kadoʹ laleʹ diseʹ kelunan. Abeʹ un aheʹ iaʹ senteng pecap ketoʹ pengekadoʹ kelunan dina. Kenai re cen singket lepoʹ, ngan singket puhoʹ, ngan naʹan kelunan, ngan naʹan isiu. Mung nte nekejeng nyeripa padung pengaren ina ngan Anak Dumba ina. Gelam nte sapai puteʹ dadoʹ. Un daʹan tung nyo neng ujoʹ de.

Bioʹ dau re ngelengap kuma: “Cen Allah kenai puyan iaʹ pudip ameʹ dalem Tuhan Allah iaʹ madung neng usun padung pengaren ina, ngan cen Anak Dumba lete.”

Moʹ Anak Dumba, iaʹ un neng beluaʹ padung pengaren ina, ia iaʹ ke tai tuʹa mengau ida, ngan ketai ajak ida palaʹ kudaʹ lubang tebut sungai iaʹ ngeriman. Ngan Allah pe iaʹ ke miʹit singket singket luloʹ cen mata re.”

Ina ukoʹ de nekejeng nyeripa padung pengaren Allah ina, ngan sebayang mia, naʹ tau ngan ngahu, dalem umaʹ palan ne. Ngan ia iaʹ madung neng usun padung pengaren ina, ia tengen iaʹ ke ngelidung ida. Abeʹ de tisen laʹu laʹa, pekina pe muhang. Pekina pe abeʹ de ke sihoʹ pana katan tau, mele inu iaʹ ke pelasoʹ ida.

Kun dau melikat ina: “Ayen ngejaʹat tanaʹ, ngan sungai, ngan kayu, kena meʹ ke nedanaʹ diaʹ pegayeng me Allah le man ca penyalet neng anang nte.” Un ne badaʹ makeʹ pengekadoʹ kelunan ia nedanaʹ man tedanaʹ penyalet Allah neng anang nte. Pengekadoʹ de ca ato pat puloʹ pat ibu, kenai re cen singket lepoʹ Israil.