Popular Bible Verses from PUYAN LUHA’ 11

Share

Kun melikat iaʹ ketujoʹ ina mempo tekepip pe, penco heʹ kenahan dau kudaʹ isiu iaʹ bioʹ kaʹ langit iaʹ kuma: “Penyukat iaʹ ke ngaren usun tanaʹ lepa anun Tuhan le ngan anun Keristus e naʹkini. Ia ke ngkang perinta pa majan uʹo.”

Mung lepoʹ dulu diaʹ abeʹ un ngelan lepa buseʹ, uban ini ne jakaʹ kenca hoʹ nai abeʹ. Dalau ini pe ikoʹ ke pebetep ukum neng kelunan matai. Dalau ini pe ikoʹ kenaʹ bang me mung pegawa diaʹ pegayeng mikoʹ, ngan me mung kelunan diaʹ anun ncoʹ, diaʹ lataʹ pekuaʹ ngan diaʹ dumit. ina ne toʹ kelunan diaʹ takut ikoʹ. Uban ini ne jakaʹ koʹ ke nasaʹ kelunan diaʹ nasaʹ tanaʹ ini.”

Akeʹ ke cuk dua usa tugen nceʹ kenai, peging gelam guneʹ de, ketai badaʹ tiraʹ Allah ca ibu dua ato nem puloʹ tau pengemajan ne.

Uʹo lepa telu tau pa beluaʹ ina, kenai ca laset cen Allah iaʹ naʹ udip mida dua, penco re dua nai beteʹ, nai nekejeng. Mung kelunan diaʹ taʹan puyan ina, tai takut laleʹ ne tekaʹ de.

Un penyukat de dua ke mulen langit kenaʹ ujan, apan ujan abeʹ un nai ngajan nte dua penco tiraʹ Allah. Un penyukat pe ida dua neng lubang tebut sungai, senteng cuk sungai ngaliu dahaʹ. Un penyukat pe ida dua sukat pelaboʹ mung naʹan layu neng usun tanaʹ ini, mele kudaʹ liwai pengubaʹ de dua.

Un dua usa iaʹ tugen ina ilu pekata neng dua re inan buaʹ ampang, pekina pe dua teken peritaʹ diaʹ tedeng kata juma Tuhan iaʹ un tanaʹ ini. Buk aheʹ kelunan iaʹ ubaʹ ten ke ngejaʹat ida dua, ke kenai luten cen paʹ de dua, sulo ke nasaʹ diaʹ bunoʹ de. Pekina lete buk aheʹ iaʹ ten ke ngejaʹat ida dua, atek kelunan ina ke matai lete.