Popular Bible Verses from IBERANI 4

Share

Atek mudip ne tiraʹ Allah ngan un penyukat. Tiraʹ Allah iaʹ lapa lerip cen bahing iaʹ nyahit seripa, ngan nyapaʹ pa besut neng ukoʹ tuk tawai ngan berua, koʹ baʹan neng ukoʹ tuk sekarup tulang ngan utak tulang. Tiraʹ ini iaʹ peluhaʹ pengubaʹ ngan kimet neng penawai kelunan.

Moʹ ina, tekep le nai palaʹ padung pengaren Allah ngan tempa tekaʹ. Kina ban un pengelesau. Kina ilu senteng alaʹ lesau, ngan tisen pengelesau iaʹ ke mepo ilu tegoʹ iaʹ penekep pe.

Laki Pengebioʹ Detaʹu le ina, abeʹ e kelunan iaʹ abeʹ un tisen tekaʹ pengelemaʹ le. Un sepuʹo ilu un ca laki Pengebioʹ Detaʹu le iaʹ lepa sihoʹ pengeten neng singket naʹan, kuaʹ ilu sihoʹ pengeten, un sepuʹo abeʹ e uyan penyalaʹ.

Ca inu pe abeʹ senteng suhuk kata Allah. Mung inu iaʹ lepa nuyan kusun tanaʹ un pesik ngan luhaʹ kata taʹat te. Palaʹ ia lete ilu mung abeʹ senteng are ke mipa kuʹun pemuyan le.

Tuman ina, tekep le ngkang pali neng pengelan iaʹ ilu penco ini. Moʹ ilu un ca laki Pengebioʹ Detaʹu le. Atek bioʹ pe ia, ngan lepa ha tai kedalem kukoʹ kata Allah kaʹ surga. Yesus, Anak Allah ne ia.

Moʹ ina tekep lete ilu nengayet ketai kaʹ dalem kukoʹ kelineʹ pemung ngan Allah. Ayen ca milu tapa uban le muau koʹ baʹan puyan dulu cen naʹaʹ ban muau are.