Popular Bible Verses from 2 KURINTUS 5

Share

Dalau ca kelunan metuk berua ha ngan Keristus, atek ca pemuyan mading ne ia. Puyan iaʹ puʹun lepa pesau are. Ilu taʹan puyan mading nai luhaʹ.

Keristus iaʹ peletoʹ-letoʹ abeʹ un penyalaʹ, di lareʹ tuman ilu Allah uyan ia iaʹ keliwa penyalaʹ le, apan ilu diaʹ pebeka tawai ngan ne, senteng alaʹ udip iaʹ teneng cen Allah.

Moʹ puyan pengudip meʹ ini, abeʹ e ca puyan penaʹat ne.

Allah iaʹ uyan mung pemuyan ina are. Kanan Keristus ne, Allah uyan udip milu, ina ukoʹ pesau puyan bunoʹ are. Kun ne uyan ilu diaʹ panak ke. Sulo ho naʹ ca tulat gayeng mameʹ, iaʹ ina gayeng uyan kelunan tai pepanak ngan ne lete. Pekini tiraʹ ameʹ pedenga: Allah iaʹ kanan Keristus man ne uyan udip me mung kelunan. Abeʹ e peremun cap salaʹ de. Kun ne naʹ mameʹ tiraʹ iaʹ badaʹ kumpin seʹ e uyan udip, apan nte tai pepanak ngan ne ʹo.

Tuman ina ameʹ dini nuyan lawa Keristus, seleket Allah tengen iaʹ mayo ikem kuʹun meʹ. Saliu Keristus ameʹ ngelapen nyat ikem: tunuk ne palaʹ Allah apan ne uyan ikem diaʹ pepanak ngan ne.

Ia matai tuman ilu mung, apan ilu diaʹ mudip, abeʹ le mudip laʹa tuman usa le tengen, bang mudip tuman ia iaʹ lepa matai ngan numpak mudip tuman ilu. Ban ne lepa pekina, abeʹ meʹ kanan penyaheʹ kelunan buk meʹ metep kimet meʹ neng ca kelunan. Kenuen pe cen naʹaʹ are, seʹ meʹ metep kimet meʹ neng Keristus bayaʹ ban penyaheʹ kelunan are, abeʹ meʹ uyan pekina laʹa.

Mele inu pemuyan meʹ, abeʹ e tuman ban usa meʹ tengen. Moʹ Keristus malaʹ ameʹ, puyan pengemalaʹ a ina iaʹ ngaren usa meʹ, moʹ ameʹ lepa tisen ban ca usa iaʹ matai tuman ilu mung. Un sen ne, ilu mung kahum dalem puyan patai ie ina.