Popular Bible Verses from 2 KURINTUS 4

Share

Moʹ ameʹ nyalet penaʹat meʹ neng inu iaʹ dulu abeʹ un taʹan, abeʹ e neng inu iaʹ dulu taʹan. Inu iaʹ dulu taʹan, laho ho ketai salai ne, di lareʹ inu iaʹ dulu abeʹ senteng taʹan, ina iaʹ ke un pa pa majan ʹo.

Tuman ina ne abeʹ meʹ tai iʹut tawai. Naʹ pe seluhan usa meʹ keno ketai tasaʹ, kimet berua meʹ un puyan iaʹ uyan ne mading singket tau. Ngan penaru iʹut ini, iaʹ petuyen ameʹ nuat le, ke ngkin mameʹ ca serema peniga iaʹ bioʹ ngan iaʹ ke ngeriman ʹo. Nco bioʹ ne peniga ina ʹo neng ʹo penaru are.

Ameʹ diaʹ lemuto sihoʹ taru, un sepuʹo abeʹ meʹ jutaʹ. Tahaʹ palai un babak tekaʹ meʹ, un sepuʹo abeʹ meʹ tai melak. Kadoʹ diaʹ bunoʹ meʹ, un sepuʹo lemuto un tuyang meʹ. Tahaʹ palai ameʹ sihoʹ tuyen, un sepuʹo abeʹ meʹ tai tasaʹ.

Un sepuʹo ameʹ diaʹ mampin peniga udip berua ini mampin ne dalem usa iaʹ lemaʹ, seleket kuden tanaʹ, apan ne luhaʹ ban Allah iaʹ un pengebioʹ penyukat, abeʹ e ameʹ iaʹ un ne pe.

Abeʹ de ngelan Denga Injil ina, moʹ bali jaʹat iaʹ nyeleket Allah mida kusun tanaʹ ini lepa mapo kimet de dalau ntem. Bali jaʹat ina ban mempeng kimet de apan nte abeʹ un sukat taʹan dema iaʹ ke nai ngedema ida. Moʹ dema iaʹ nai cen Denga Injil ina iaʹ ngedema puyan serema peniga Keristus iaʹ atek kuaʹ layen Allah ne lete.

Allah iaʹ pisiu cen naʹaʹ kuma ha: “Cen dalau ntem kenai dema nyerema.” Atek Allah ina lete iaʹ uyan dema ha nai nyerema kaʹ dalem kimet le are, idi kenai palaʹ ilu dema penisen neng puyan peniga Allah, kumpin seʹ e luhaʹ serema ha neng silung Keristus.