Popular Bible Verses from 2 KURINTUS 1

Share

Tekep le nyuaʹ tiga saheʹ palaʹ Allah, iaʹ Allah ngan Amai Tuhan le Yesus Keristus. Iaʹ ina Amai iaʹ bioʹ pengelesau, iaʹ atek Allah iaʹ puʹun mung peniga, iaʹ ke petangen ilu. Kun ne petangen ilu neng mung naʹan penaru le, apan tangen iaʹ ilu alaʹ cen Allah ina, idi lete iaʹ ilu senteng kanan man le ke petangen dulu diaʹ sihoʹ naʹan naʹan penaru.

Kuaʹ baʹan le lepa un tulat dalem kadoʹ naʹan penuyen Keristus, pekina lete bioʹ kuʹo ne tulat peniga iaʹ ke petangen ilu dalem Keristus.

Ameʹ kuma ban tebuku udip meʹ ketai kuʹo ne. Un sepuʹo puyan ina nuyan apan meʹ abeʹ un napi tawai palaʹ puyan usa meʹ tengen, di lareʹ palaʹ ia iaʹ pudip kelunan matai, iaʹ ina Allah tengen.

Allah tengen iaʹ nyalet pengelan meʹ, kuaʹ ngan puyan ne nyalet pengelan ncem ngan badaʹ ban pengudip le pebeka ngan Keristus. Allah tengen iaʹ nengen ilu. Ia lepa ban metip ilu iaʹ badaʹ ia tengen iaʹ un ilu. Ngan laʹa ia lepa ban naʹ Berua Buheʹ dalem penawai le nuyan kedatung neng mung inu iaʹ ia mampin tuman ilu ne.

Buk meʹ sihoʹ tuyen, ina ne tuman iaʹ ke petangen ikem ngan neng udip iaʹ ke pudip ikem dalem Tuhan. Buk meʹ ban tangen, ina te iaʹ ke petangen ikem pe, sulo hem un pengali man ncem senteng alaʹ denaʹ tawai ngan nengayet dalau penuyen iaʹ kuaʹ baʹan penuyen iaʹ nantaʹ ameʹ te.